24h購物| | PChome| 登入
2008-08-20 18:54:42| 人氣55| 回應0 | 上一篇 | 下一篇

蜘蛛

推薦 0 收藏 0 轉貼0 訂閱站台

20-8-08(三)返8:30，8:18聽到阿哥手提電話鬧鐘響先知醒，oh!又遲到了，8:30出門口去撘的士，係唔落雨o既情況下，竟然冇乜的士，後來見到另一個家長拖著個著迦南幼稚園校服o既小朋友都等緊車，我問佢係咪落黃埔(因為附近應該得黃埔先有迦南)，於是我地一齊撘，我想俾一半車錢時，佢話唔駛，因為朝朝都會坐的士同個孫返學，返工都有免費車坐，真係多謝曬!佢話小朋友媽媽驚校巴危險，所以唔錯，冇錯，校巴真係好危險的，以前我跟過校車就知了。而每撘7B巴士係因為碼頭距離迦南都有段路，經小朋友一冷一熱，行咁遠會病，咁又有道理wor!

Lunch，阿Lo話我知我早幾個月交畫展d畫，一幅都冇入圍，撞鬼咩!d校長點做野架，咁冇眼光!跟住就叫我阿宜同芊芊幫我手一齊整畫，今曰整得最滿意個幅就係蜘蛛呢幅。(其實我好唔鐘意真實o既蜘蛛，但一般蜘蛛玩具，我又可以接受!)整到3點幾，跟住我先離開學校，去油麻地睇濕疹覆診，3:27上車，3:41就落2車，原來唔塞車真係可以3個字出到油麻地，3:55到達，睇4:00，攞E2籌，但要等到4:40先有得睇，因為之前D人實在睇得同拖得太耐太耐了，我又係到玩NDS，玩到累，重瞓埋tim，到4:35先有得睇。

跟住去圖書館借書，諗住暑假得閒時可以睇，但一本書都睇唔啱，乜都冇借到。之後去買麥當勞回家，琴日細梁俾左d麥當勞優惠券給我，可以平5蚊買套餐，我可以用平左o既5蚊o黎扣返咖啡奶昔個5蚊，抵!

行路返屋企時，係QE留下巴士站見到正昕爸爸，5:20就已經可以等車回家，睇o黎呢個醫生都幾高級wor!

6點幾掛左1號風球，搞錯呀!就o黎放暑假先o黎打風!

10點就上床瞓覺，真健康!

我要檢舉
台長： 車人

您可能對以下文章有興趣

人氣(55) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文