車天車地 一個有好多回憶既地方!!!

106愛的鼓勵 0訂閱站台

 

1-3-09(日)11:00起身，12:25出門口坐113，唔駛3個字就下車了，係木球會對面會合小鈺同佢一齊坐電車入跑馬地電車總站，同蘇蘇、阿恆、小鈺、小保、Amy一齊食Lunch。

 

    跟住遊覽立本幼稚園舊校o既遺址(而家係個公園了)，即刻諗番以往讀幼稚園o既趣事，例如本身要坐校車返屋企，但我同另一男同學掛住睇人地鋪頭櫥窗飾物，個校車保母連我地未上車都唔知，就係咁留低左我地係條街到，跟住我係到哭，個男同學帶番我入學校校務處打電話叫屋企人來接我地。

 

 

 

 

跟住就去阿恆屋企，我地先睇阿恆係四川影o既相，Dranell同焯賢2點幾先郅，跟住我、Dranell、阿恆、蘇蘇就係到開枱，好彩我地唔賭錢，因為我地只打了一圈，每個人都有糊吃，重鋪鋪大呢!我係最第四個人食糊，而我係食出一鋪十三腰呢!起初攞牌上手時，只爭5,6隻牌就食糊，跟住d牌越攞越順，我估呢d牌最後必然會食得出，結果不出我所料呢!yeah!

 

 

    之後捉圍棋、玩Citizdel、星戰，我都win!yeah!

 

     阿恆話佢屋企係七百幾尺，但真係好大lor，可能是舊樓d實用面積較多，所以同新樓相比係大好多，好似成千尺咁。之後出佢o既天台，重可以睇到馬場全景同中環、灣仔d樓呢!

 

 
 

2-3-09(一)放學工後，同阿媽三期行百徍，跟住去祥榮食飯。

 

3-3-09(二)中國文化present，由於小組功課唔夠分，所以唔緊張。

 

5-3-09(四)放學後，上左Draenll屋企，因為佢同焯賢參加星期六的圍棋比賽特訓，之後一齊去上星期同阿王一齊食o既日本餐廳食飯。

 

6-3-09(五)放工同細梁行海邊去紅磡，因為佢唔開心，是關佢打謝曉晴時，被校長見到了，被在中期督導時，記錄在案。同佢返到紅磡後，我坐6c出番旺角，我買麥當勞返教會食。

 

第四堂插花班，我的花被老師選下並留在教會擺放。