車天車地 一個有好多回憶既地方!!!

106愛的鼓勵 0訂閱站台

19-8-08(二)專登調班返8:00，咁我下午早走補時，就唔駛補咁多，慳番d OT。2:15leave，坐小巴去火車站，再坐火車去大埔，然後再坐275入ied ，實在太眼瞓了，上火車同275巴士時已經狂瞓，好彩兩次都係臨落車前醒到。

3:40先入到IED，因為之前送左一班巴士車尾，但趕得切4:00考試就得啦，要考Tertiary English Language Test，當中包括listening,Vocabulary,Reading and Grammer，好有多年會考feel。(但一d都冇緊張過。)雖然好耐好耐都有接觸過英文，但d問題都重識答(好明顯就係食老本啦!)，只不過考2個鐘，覺得好累啫!由細到大，阿媽都教我考試完要覆卷，所以即使答曬題目，我都會覆下卷坐到夠鐘先收卷。但今日好唔同，我專登拖慢d時間o黎做卷，反正我答每一條題目都已經係深思熟慮先答，所以最後卷都冇覆。

遲左開考，所以6:15先收卷，考官明明話過了6:00就唔準早走，但後來有毎個人過了6點時問考官能否早走，考官又俾，竟然人走，我又走lu，到我走時，我已經係最後一個了。

6:30先聽圖書館講座，我又見肚餓，去7仔買了條司華力腸，ied D冷氣實在太凍，買完腸仔，我都到戶外食，要過下冷河先得。

6:30-7:30聽圖書館講座，其實當年讀CE時已聽過了，起初我都有專心聽下D新野，但後來就瞓著了。

7:30-8:30聽資訊科技講座，我同樣聽過了，不過都係咁二聽下啦!講到8點已經講完了，跟住我就留係間房到繼續上下網，玩下MSN同古惑仔。玩到8:20先去另一間房聽網上選科講座。

8:30-9:00聽網上選科講座。好彩有o黎到聽，(不枉我用多2個鐘頭時間去聽之前o既講座)否則一定唔識reg科，到時就大穫了。

聽到9:15，跟住9:30坐番巴士出大埔，之後同Edmund行去大埔食腸粉先，跟住再去食甜品，叫了個朱古力雪糕連朱古力布丁，個朱古力布丁好有朱古力味!yummy yummy!但要$25就好似唔抵，因為係九龍城o既斤金滿堂食三個咖啡雪糕加一個咖啡味果凍都係$29炸。

Edmund勁守交通規則，唔衝紅燈，因為盟約其中一個係要交通規則，如果係我，我就一定守唔到了，成日返工都衝燈的。佢另一個約係要數算恩典，佢話今日發掘我有讚賞人o既恩賜，hahaha…thx!

食到11:00，睇埋糖心風暴-家好月圓完就走了，11:17分上火車，11:48分落火車，跟住可以12點前已返到愛民，原來唔塞車，係大埔返屋企都只係需要8個字。

PS今日坐車不斷用NDS玩獨數，突然又迷上呢個GAME!