車天車地 一個有好多回憶既地方!!!

106愛的鼓勵 0訂閱站台

6-4-06(四)放工都係留係園到整open day d 野，與阿彭、阿盧、阿李一齊食車仔麵，食完就執野走，因要趕撘9:30的尾班車。

7-4-06(五)open day 前夕，由於出了通告的係關，好多小朋友多都4:30放學後無耐就走，所以只餘下門口一個老師叫咪放學，其他老師都去曬準備open day要佈置o既野，我除左整自己課室外，也要幫手整親子圖工作品展覽(係我同阿李負責，因為我地兩個都係呢個open day o既負責人)，好彩呢個區有校長幫手整，如果唔係我真係有排整，校長都有問地晚餐想吃什麼(當然係佢聽萬歲啦)，有老師提議食壽司，咁玊姐係走前就幫我地買了少少壽司，同埋一盒小丸子(當然呢餐係唔會食飽，崇水祭下五臟廟)，又非常好彩地今晚都趕得切撘9:30的尾班車。

8-4-06(六)由於我係今次open day負責人，所以要9:45返到去，同班義工有簡介，我9:00出門口，係路途中發現自己忘記帶電話，有諗過返屋企取，但如果返了屋企取就去唔切銀行，所以最後都係唔返去取了，反正open day完，我都打算返屋企，去完渣打銀後，9:35就返到學校，同義工簡介後，我地就影大合照，然後由林姑娘祈禱，10:30open day就正式開始，超初冇乜人黎我個場到玩(我個場係整帽)，冇計啦剛開始人流又確實係少d，咁我就唯有即刻出去招人黎玩啦!幸好，多有第一個人黎玩，就陸續由引到其他人黎。
Open day時間係由10:30-3:30，一食完lunch，下午d時間重過得快。
呢日最難忘，莫過於同陽陽o既爸爸同媽媽傾計，係好耐之前我睇過陽陽既報名表，知道佢讀F1
o既哥哥係讀華英中學(即係我以前果間lor)，所以有一次佢哥哥黎接陽陽放學，我就話左俾佢知，我係佢師姐，而係今次同佢父母傾計中，講到佢哥哥起初都唔係好適應華英咁嚴厲o既管教，但後來好d，同埋佢地覺得陽陽而家比起以前有了好大的進步，起初佢做暫托生時(跟廖老師)都唔多講野，曾經擔心佢係自閉，但正式入學跟左我之後，就講多左野，最後佢爸爸講左句：「今日同你傾完計後，我都好放心陽陽跟你，因為華英出品，必屬佳品。」我聽到呢句真係好開心，一黎係人地讚緊我，同埋亦覺得好好笑，呢句「華英出品，必屬佳品。」係每個華英人都會聽過o既說話，今次重要由一個外人引用呢句說話去讚你，個感覺真係好特別。
到3:30結束時，仍有家長學生唔捨得走，我地由得佢地慢慢完成最後的工作，同時亦開始收拾，收拾後吃西餅，5:00離開，5:15坐免費車回家，6:30-12:00睡覺(實在太累了)，再由2:00訓到第二朝10:00。