24h購物| | PChome| 登入
2008-07-17 00:02:34| 人氣46| 回應0 | 上一篇 | 下一篇

華東之旅 第五天 上海 + 回程

推薦 0 收藏 0 轉貼0 訂閱站台

1-7-08(二)最後一天旅行了，冇去到天祿寺，改去了北京同仁堂，有得免費按摩腳，跟住有班中醫入來同你把脈，同埋sell藥，一個主治劉海若的醫師來幫我把脈，但佢都把唔出我有濕疹，直到我話佢知，佢先恍然大悟，話原來我腳個d唔係蚊痕，佢sell我$1800兩枝東蟲夏草兩個月療程的藥，實在太貴了，後來佢改sell$560兩枝甘草顆料，到最後都唔想買，但話曬人地都同我把過脈，做過野，況且我以往睇中醫都成$300一次，咁用幾百蚊當睇了兩次中醫，同買一個願望啦!

跟住去豫園行街同午餐，豫園素有“城市山林”之譽，又有“奇秀甲于東南”之說，它位於城隍廟北面，是上海著名的江南古典園林，有著400多年的歷史，屬國家重點文物保護單位，建於于明嘉靖三十八年（1559年），是一座融合了我國明清兩代園林藝術的名園。由四川布政司潘允端為孝敬父母而造，“豫”有“平安”、“安泰”之意，取名“豫園”，含“愉悅雙親，頤養天年”的之意。

呢到冇咩野好行，都係買下野食做手信，午餐入了南翔小籠包進食，食了個半湯包，只是用飲筒去飲湯，味道一般，唔特別，另外那個冷面，非常唔好食，失望。還是一落車跟導遊去了買4元4個生煎包是最好味的!(不過多油左d)
2:00集合後，就出發去機場，我係唯一呢程車冇瞓教!我係度同隔o黎位個媽媽係度吹水，呢位媽媽給我一種賢良淑德，傳統o既中國婦女feel。
係上海新機場o既奧運專門店買了兩個同一款o既歡歡鎖匙扣，係舊年去黃山時，係caterlog見到對歡歡耳環，已經想買，但一直中國同香港o既專店都唔見有得買，今次係專門店見到有鎖匙扣，跟住靈機一觸，便打算拆左個鎖匙扣來做耳環便行了。

跟住坐飛機回港了，呢程機竟然有haagen-dazs雪糕做甜品，太開心了，後來我同少敏重一人要多一個呢!

8點落機，8:25己係到等行理，等到8:40先等到行理，跟住去巴士站坐E21巴士出青嶼幹線收費處，再等了差不多半個鐘頭先等到E21A，免費轉乘呢架巴士返愛民，成程車都係只係$14，抵!不過用多好多時間lor!差不多10:30先回到家。

呢個旅行都ok，最討厭o既係要俾用$420去睇表演同行街費，睇表演要俾錢唔緊要，但行街冇理由數錢lor，一開始又唔計埋落d團費到，搞到好似好平咁，去吸引人報名，手法唔好lor，不過原來間間旅行社o既呢個團都係咁!冇計!

我要檢舉
台長： 車人

您可能對以下文章有興趣

人氣(46) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文