9-10-08(四)Lunnch開會，講番Open Day分工，我本身已經同阿彭一齊夾份去出一份校慶十五週年o既刋物，跟住重要我班高班仔出一個表演，人地就2個老師去夾一個表演，但我一個人就做2份野，真係好唔公平lor，更何況這不是第一次了，開會時，我問校長高班仔是否一定要出表演，佢話而家d野已經run左一步，不能取消，更過份係佢態度超差，佢從未用過d咁差o既語氣同我講野，我都唔係d撩交打o既人，佢以往會用呢d語氣對唔鐘意佢o既同事，但我估唔到佢會用係我身上。以往d高班老師話多野做，可以推走曬d job，到我係高班老師時，竟然有個咁o既下場，只能說人善被人欺，佢地當初叫採排多個表演時，我有出過聲，其他人都話好容易，哪不緊要，我照做，到我覺得吃力時，有誰為我出過一句聲?心痛!到d小朋友起身時，我都忍唔住係到喊了。放學時要企門口，本來都已經收左眼淚，聲音也正常。
後來阿Lo出來門口同我講番，話驚我唔會佢地當時唔幫我…佢一講我又喊了。不過我始終最興係校長o既態度!對佢極為失望。
之後劉芷琳(細梁以前教o既舊生)，佢都問番我發生咩事，但學校內部o既事，都係門口同佢講了，家羞不得外全吧!校長見到我喊架!佢重入來問我冇咩呀!撘曬膞頭咁問我係咪因為頭先件事，明知故問，
芷琳就同校長講話我都唔肯為佢知係咩事，校長話：「你細過唔話你知都正常!」我的心只好冷笑!校長話今晚要去開會，明天先同我傾番。
我call Dranell想話佢知我唔學棋了，對眼又紅又腫，點見人呀!佢又話唔夠收入…唉!咁算啦!照去。
王子帶左個新朋友來，係佢中大o既師兄，叫小玉，一聽到呢個名，第一句自然問佢，你係咪小丸子o既朋友!
學棋時，根本投入唔到，一諗番起呢件事，竟開始頭痛，連鼻樑也痛，好辛苦，好想即刻返屋企休息。
之後又係三洋食飯，阿彭到來同傾番今日件事，我又係度眼濕濕了!好多謝你地o既關心、問候，以及你們幫我想的解決方法。係人係鬼，經過今日呢件事，我就清楚了。
跟住同Amy、Elvis、阿澄、Dranell、小保、小至去左信和對面間麥記玩Bang，阿蒙打來，我又講番今日件事時，又搞到眼濕!我已經喊到副con都矇埋，同埋鼻樑真係好痛，我想明天唔返工呀!(如果我繼續頭痛同鼻樑痛)
起初係信和對面o既麥當勞玩Bang，後麥當勞姐姐話唔俾，於是我地改去百老滙樓下的麥當勞玩。玩到成點先走。
10-10-05(五)頭唔痛，鼻樑唔痛，只是仍很腫，心極唔想返工，但不能樣做，我知天父唔會俾我咁做。D仔食早餐時，校長就叫我入房，佢係房同我講野同係開會o既態度相比，係兩個人lor!校長話：「有d咩可以幫到你?」呵!放心，我個人最唔會把野係心上，我一定會講曬俾你聽架!
佢都好識A字膞，我同佢講話分工不圴，佢話我應該一開始出聲，而唔係中途出聲，否則個個中途話唔做野，就乜都唔成事，怕個個唔做野，呢個point我接受，我話我一開始有出過聲，但你地照話ok!fine我照做，到有問題，我出聲時，冇人會出聲幫我lor!點解有d老師較惡，就可以出聲唔做就唔做，佢自己都係到自打嘴巴，話唔係佢地一惡就得，校長就會怕，(大話，當時o既景況唔係咁lor!)之後又將個波推俾主任話佢係新上手，所以分工方面可能有點問題，呵!
跟住我話我唔鐘意夾係佢同阿彭中間做事，你地有問題，有唔自己對話，根本就搵住我o黎搞，然後就教我點做點做…曬氣!我寧願攞部錄音機o黎錄得你講過o既說話，你成日講大話，不負責任同瀉膞。我同你講真係口同鼻嗌Lor!一講起我自己又眼濕濕，校長重話好背服我能在人前哭，佢唔得，佢會返屋企先喊!你同我身份唔同，我只不過係小職員，我喊又有咩所謂，你係主管，你能在人前喊咩?
講曬出來，個心冇再唔開心，其實我個人根本好易冇野。不過同佢o既關係就多了一道裂痕，以往會包容、體諒佢，但將來我就唔敢肯定了。
我同自己講，琴日我會冇人幫個種感覺好慘，將來見到有人被插時，我會出聲去救人。希望自己o既不聲能成為他人的祝福。
放工返學，都幾鐘意上呢堂哲學堂，劉慧中博中真係教得幾好!放學同Dranell係麥當勞到等焯賢o黎埋先一齊去食焗飯果間餐廳，跟住去麥當勞傾計。
PS今日同阿宜同ICY用紥左一個特別的髮型，就係用成頭頭髮繞圈紥辮，以前成日見細梁同D女咁樣紥，今日我都走去試試，尚算成功，但 技術有待改善。
文章定位：
人氣(86) | 回應(2)| 推薦 (
0)| 收藏 (
0)|
轉寄
全站分類:
不分類
