24h購物| | PChome| 登入
2006-08-12 22:28:50| 人氣143| 回應0 | 上一篇 | 下一篇

咁就出事了

推薦 0 收藏 0 轉貼0 訂閱站台

14-8-06(五)早上坐109去上環信德坐船過澳門，表妹同阿姨遲來。
落船後，等過關排左大半個鐘，出閘後，我地坐小巴坐了一個站去了漁人碼頭，我地都只係係度行下，而且覺得好凍，可能近海，超大風超凍，我地都冇乜心機再行，我阿姨其實好想入金莎，但係我同表妹都冇興趣，所以入都冇入到，就坐的士去下環那邊，食葡國餐，我地叫了血鴨，但一見到個賣相，就冇乜心機想吃，佢個樣似牛腩，d汁啡啡地色，食了一件己唔想再食，本來食完野打算去新馬路行下，但係太凍了，我地全部人都帶唔夠衫，所以直接坐的士去關閘過關就算了，其實都係自己衰，明知氣溫大跌，都只係戴多一件中袖外套，其實我都有諗過帶件褸，但係又唔識會太凍，所以冇帶，咁就出事了。
係關閘過關都好快，相比起今朝已排咁耐隊，真係差好遠。到珠海後，我地去了超巿買野，跟住坐的士去了阿姨珠海間屋到，留下個兩個看更就問長問短，咁都算叫盡責。層樓個外層真係麻麻，去到樓d走廊燈重要係聲音控制，有聲先開燈，雖然係環保，但俾人感覺都幾恐怖，間屋重要係後樓梯隔來，真係有賊lay係到伏你，實中雁照。
點知一入到屋就即係見到一條樓梯，勁surprise，當堂感覺唔同曬，我勁鐘意d屋有樓梯，就算少少一、兩級都好過冇。不過間屋傢私未齊，只係間主人套房就齊d，我同表妹二人夾手夾腳係大廳抬番部電視上房(呢個係間屋既唯一娛樂，好重要架)。
到沖涼時，我地調教唔到個熱水爐有熱水，唯有捱凍水沖，重要係呢d天氣用凍水沖，慘……。

15/4/06(六)我地一早行去商場取錢，取錢後，過了11點食唔到M記早餐，唯就唯有食下D飽、薯條咁啦!跟住就緊係行街買衫啦!我明天重要上佛山Tim，只係著住件中袖外套邊夠暖架，好彩我地都買到衫。
阿姨之後去帶我地去了以前跟姨丈做細既個d馬仔到，因為個熱水爐係佢既馬仔送既，所以去問下佢地點用。就係咁我同妹就係那間茶館到坐了個幾鐘，好彩d茶都好味，同埋電視播緊王子變青蛙，我地都總算有d世藝，唔怕悶。
跟住佢地搵人車我地返屋企，整完個爐後，我地就去了酒店入面既五月花酒樓到食晚飯，d野都ok，最欣賞就係一個燕窩燉木瓜，好味。
飯後返屋企，表妹留家睇電視，我同阿姨去了按摩和按腳，d人手勢ok wor，我覺得重好過堔圳tim，由於太累了，按摩時已睡著了。

我要檢舉
台長： 車人

您可能對以下文章有興趣

人氣(143) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文