24h購物| | PChome| 登入
2006-09-24 17:51:40| 人氣45| 回應0 | 上一篇 | 下一篇

入住外賓賓館

推薦 0 收藏 0 轉貼0 訂閱站台

16/4/06(日)一早起身，落11點車由珠海去深圳，坐足兩個鐘，累到死，好彩係車到睡到一陣，到深圳後，同阿姨、表妹一齊去三島飲茶，D點心未離時，就同阿姨去銀行擺錢，間銀行竟然限住每人只可取一萬，後來我阿姨竟可以取到2萬，因為佢同Teller講佢係香港黎，可唔可以擺多d，咁人地又肯wor。取錢後繼續返去飲茶，飲到2:20到就離開，本來諗住行去羅湖火車站會合同事，點知係隔電梯到聽到其它乘客話要坐免費車去火車站，咁落到大堂時，我咪出聲話我都要坐車，於是我就唔駛行，可以坐免費車去火車站，本來係一個好短既路程，點知塞車，搞到我遲左去火車站，要班同事等我，真係唔好意思了。一落車，行去火車站既餐廳途中就撞到阿彭，跟住佢帶我會合佢地，之後一齊去坐小巴上佛山，佢地成班老師都好熟，起初佢地傾計同唱歌，我就打算睡覺補補下精神，因為都唔係好想同佢地撘dad，過半個鐘後都係睡不著，於是也加入他們，同佢地一齊唱詩歌，都幾開心，重要係大家都冇歌譜，憑記憶去唱。
到達佛山，用了差不多2個小時車程，由當地教會一個傳導接待我地，我地先去了那間位於斜路上的鄉村教會，教會既擺設當好舊，諗番自己可以番一個咁新咁靚既教會，都好感恩。
再去到我們住宿的賓館，都幾「鄭」wor，別墅式設計有獨立套房，原來呢間賓館係尊接持外賓，我地探訪既教會幫我地安排呢度住，真覺得光榮。
晚飯去了一間叫豪情既酒樓，「豪情」咪就係香港一套三級片既名，飯後我地去做腳底按摩，呢度既價錢都唔平，還是覺得昨晚珠海那間既手勢好好多，重要平d tim。
回到賓館，入到洗手間時，發覺有好多蚊係厠所，連企缸入面都有，但D蚊飛得好慢，我只好整死D蚊先去沖涼，沖涼後發覺電視機上有好多蚊屍體，再望上天花板就更嚇一跳，上面有好多好多蚊，多到嚇死人，叫d同事入黎間房tim，有人話呢d係草蚊。死啦!咁多蚊，我驚佢地會襯我訓覺時咬死我，雖然間房有個小小的驅蚊器，但係都係好驚，但係點都係要訓架啦!而好感恩既係，我同同房廖老師都冇被蚊咬。

我要檢舉
台長： 車人

您可能對以下文章有興趣

人氣(45) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文