24h購物| | PChome| 登入
2016-07-11 11:50:46| 人氣835| 回應8 | 上一篇 | 下一篇

「講」吓森事…

推薦 0 收藏 0 轉貼0 訂閱站台

講波經

唔知呢排係咪好多人都唔夠瞓？！都有可能…可能要捱眼瞓睇波～有啲人凌晨兩點已經話要起身睇…而有啲人返工前早起成個鐘，睇完先出門口！通常睇波呢類活動絕唔會屬於個人，總係要人多先好玩，無論睇波或者講波…至於波經其實對森伯而言，都係對牛彈琴啫！人哋講波經都係搭唔到咀～不過反而欣賞班波友，仲有一份生活的閒情，為一件事而期待、捱眼瞓、買小食、講波經...

諗諗吓森伯真好耐冇感受過呢種閒情～森伯份人都幾悶棍…唉～～XXD

 

講視台

自從轉咗高清電視之後，的確多咗好多台選擇！雖然台就多咗，但睇睇吓來來去去差唔多…不過近排個選台表內，發現多咗幾個叫奇妙電視的頻道…聽聞話係新一間電視台，話就話coming soon但係都唔知正式播影時間！初時聽個名有少少似講宗教的電視台，咩奇妙之聲，奇妙恩典之類…可能真係要老土講句，拭目以待嘞！

可能對於老一輩的森伯來講，都係以前亞視比較啱睇～XXXXD

 

講天氣

雖然對好多人來講，天氣晴朗人就比較開朗，但近排的氣溫真係要用：滾、熱、辣來形容就差唔多…日日都差唔多成35℃以上，以前的33℃已經好誇張…就好似之前吽風嗰幾日，有啲地區可以錄到37℃高溫…就算出齊任何消暑聖品都難予抵擋，深深感受到冷氣的發明好偉大，將悶侷的空間頓時變得清涼舒爽的環境…當然啦！長期身處在冷氣空間都唔係好事，好傷元氣嘛…

落雨雖然濕濕立立，但可以緩和一吓熱辣辣的高溫，呢排不時都係有這個情景：時晴時雨，看見密雲滿佈，就知即將落大雨！


我要檢舉
#講波經#電視台#夏季#高溫
台長： 森源

您可能對以下文章有興趣

人氣(835) | 回應(8)| 推薦 (0)| 收藏 (0)
全站分類: 心情日記(隨筆、日記、心情手札)

我要回應
kaka
講開天氣又講…星期六晚行雷閃電得
好犀利呀！
我覺得亞視新聞喺比TVB較好的！
我都好少睇波，但都試過成班親友一齊睇波都幾高興架！
2016-07-11 13:35:15
版主回應
近排實在太悶熱，寧願行雷閃電，落場大雨冇咁熱…

以前亞記出名都係新聞做得好，我覺得仲有些資訊節目都唔錯～

同一大班人睇波都幾熱鬧，捧吓球隊吹吓水，咁睇場波先冇咁悶嘛…
2016-07-11 14:57:25
基爾
半夜起身睇波真係要好有毅力.....
咁快有奇妙電視拿?我果架仲未見有顯示喎
熱到剩係想浸在水中:P
2016-07-11 16:12:13
版主回應
若果冬天要半夜起身就要有毅力，而家天熱都好易醒…

我都係呢排先見到有呢個奇妙台，不過仲未有嘢睇～

你就正喇，練水之餘又可以玩吓水！
2016-07-11 16:58:20
stella luk
森事三舂我都莫不關心，
講波輕喎！我淨係知道個波係圓嘅！
講電視呢，我已可有可冇。
講天氣嘛！我是自閉架！好天落雨我都係喜歡躲在家上網習畫而已。
2016-07-11 19:38:59
版主回應
球賽都係一個節目啫~~都唔一定個個都著迷睇…

雖然話我好少睇電視，但收音機電視機都唔可以少，間中都有啲節目幾有欣賞價值～好似近排睇咗一個港台節目，幾有意思架！！

你外出拍攝佳作時都要留意吓天氣的變化~~~
2016-07-12 08:57:56
搞一爺
我唔捱得夜，咪攪我。
2016-07-11 22:11:59
版主回應
一爺…做咩今日咁短嘅?!!.......我講留言啫!!XXD

你哋啲後生都話捱夜無咩所謂；畀著森伯啲老人家，成個look殘晒~~~
2016-07-12 08:58:30
ohtria
決賽我睇咗下半part,只因冇其他節目好睇.
2016-07-12 03:54:48
版主回應
呢排啲球賽好多人都睇，睇得半part都已經好好，我半分鐘都冇睇過…哈哈
2016-07-12 08:59:32
ykk
Soccer: 森夜捱夜睇波, 真係有心無力, 決賽當晚, 只睇了半場就瞓著了. 向深夜足球講聲bye bye!

TV: 環顧免費電視台, 個人覺得亞視的節目, 其實都不太差.

Weather: 一年四季之中, 比較喜歡秋天, 皆因怕熱. 但ykk客人朋友們則十分喜歡夏天, 因每年夏天，　他們都會有一個月的summer holiday.
2016-07-12 11:13:06
版主回應
其實可以有呢種雅興都唔易, 有些球賽幾年先有一次, 有興趣的通宵睇又有幾何…下個月都有奧運, 可能又會深宵睇吓~~哈哈

都唔係, 有些新電視台都有些節目唔錯, 之不過又好少坐定定去欣賞~~

同你一樣, 我都覺一年四季最舒服都係秋天, 不過可惜好短暫, 以前的秋天感覺長一些吧~~夏天對住香港來講, 實在太悶熱嘞!!!!
2016-07-13 09:13:21
搞一爺
吾樣醜，早已殘，不打緊。
係 蜜運中 假耆英森仔靠個樣嘅先要擔憂。
2016-07-12 15:15:13
版主回應
網絡世界成日講：有圖有真相嘛~~你都冇畀我哋睇過你吾樣，我就唔會下判斷…

你講到好似玩咁!!!!你有冇試過因為筋骨的痛症搞到你幾晚冇訓呢??我諗你何止唔會更加未諗過添啦…樣累不特止仲精神好晃忽~~~
2016-07-13 09:17:23
搞一爺
講開捱夜睇波喎！係玩嘅野，點解义開話題去病到瞓唔倒。
發病時係痛不欲生架，十年人事幾翻新，醫療又進步咗超多，唔好放棄，再尋新法、名醫，減少病發，降低痛楚。
2016-07-14 07:56:52
版主回應
你咁醒目, 唔會唔明個道理呀~~玩同唔舒服都一樣要捱夜啫!!!所以而家如非必要都盡量覺覺豬, 失驚無神一大痛又唔夠訓~~

本身冇事就冇嘢, 陣間撞到個黃綠醫生耽症未仲衰, 多謝關心喇~~~
2016-07-14 09:06:35
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文