24h購物| | PChome| 登入
2016-07-06 13:53:41| 人氣2,639| 回應13 | 上一篇 | 下一篇

一曲…蝶戀花～

推薦 0 收藏 0 轉貼0 訂閱站台

過去的幾日簡直貧病交煎，如果睇開森Blog的話，查實兩樣都唔需要森伯多作解釋！貧就係人都知喇，至於病係老人風濕發作，酸痛就一定架嘞，都冇晒森機上Blog…就唯有介紹吓CD，聽吓歌先啦…

其實一路以來森伯都冇咩歌手偶像，唔會因為某歌星出碟就會必買，而視乎他們有冇自己啱聽的歌而已！最多啱聽歌嘅男歌手應該係周華健，而第二多嘅歌手應該係黃凱芹，不過所買的CD通常係精選碟！都係嗰句啦，貪佢首首識…

有很多黃凱芹的經典歌本身都有，不過又未必集得齊，總會有一兩首遺漏，當然唔會刻意找來買，撞啱有便買…有日畀我有機會搵到有隻復刻版的CD，有我想要的歌喎！於是二話不說就買啦！講返起買呢隻CD，都已經係六、七年前的事！



雖然係隻CD碟，但個設計一啲都唔Hea，隻CD設計到好似一隻迷你黑膠碟，細睇仲見到唱針紋的質感，而CD都冇用盒，CD加個袋就套在封套內，十足十一隻迷你黑膠碟，用來聽用來珍藏都很有玩味！若冇記錯黃凱芹出道時都仲係黑膠碟時代…所以個設計都幾配合！

CD裡都有幾首為人熟識的歌，不過重點係：蝶戀花～一首甚有意思的歌！歌意大概係講：再等待，就只會磋跎年月…而歌詞都係由黃凱芹自己包辦！

唔post歌詞或link嘞，有興趣自己上youtube聽啦！！

我要檢舉
#黃凱芹#經典歌#蝶戀花#廣東歌
台長： 森源

您可能對以下文章有興趣

人氣(2,639) | 回應(13)| 推薦 (0)| 收藏 (0)
全站分類: 心情日記(隨筆、日記、心情手札)

我要回應
基爾
喱隻碟鍾意雨中的戀人們,有意境....
不過其他有幾首都幾陌生好似無乜聽過,例如解情還須繫情人(喱首個歌名幾有趣),求雨,至愛難尋,情海,好似從來無聽過
2016-07-06 15:09:04
版主回應
你又幾清楚呢隻碟有咩歌喎～其實買了後就抽取自己想聽的一兩首歌放落MP3，其餘的歌就好少拿來聽，我都唔係好識其他歌咋！

可能有些黃凱芹的滄海遺珠作品，加多一兩首為人熟悉的歌，輯錄成一隻CD賣卦…
2016-07-07 09:15:45
ykk
森病還須森若醫, 所以都是快去睇醫生看個原因.
比較喜愛黃凱勤之"晚秋".
2016-07-06 16:18:53
版主回應
多謝關心！由細到老唔係第一次，醫生只會開消炎藥同止痛餅…冇乜藥可施架～現在已經復原中…

晚秋～係黃凱芹數一數二的經典！！！
2016-07-07 09:16:03
ykk
btw, 張插圖影得很好.
2016-07-06 16:20:01
版主回應
呢隻碟個設計唔錯，所以咩角度影都得森應手…哈哈
2016-07-07 09:16:18
搞一爺
重點…………再等待，就只會磋跎年月…………又露口風喇！戴著墨鏡嘅型仔森一定成日唱（蝶戀花）畀暗戀佢啲人聽，我捉到重點，不過，謙厚森例必否認。
2016-07-06 20:59:11
版主回應
呢首歌由細聽到老，唔多唔少都有情義結，初時唔知歌詞想表達乜，就好似好多歌當你人生閱歷越豐富了，就會知道歌曲有啲咩訊息…我說出個重點來都係想大家明白吓呢首歌唱乜…仲諗住一爺會讚森伯聽歌有深度…XXD
2016-07-07 09:17:06
stella luk
森病還需森藥醫，養病中聽吓森儀靚歌，可以幫助早日康復！
2016-07-07 07:46:27
版主回應
多謝關心！已經復原中…我覺得總之係一首靚歌，無論咩時候聽都適合～～
2016-07-07 09:21:16
kaka
咁…使唔使請病假呀！
首歌歌詞簡單得嚟幾有意思，
冬天殉愛…飛花，還有點凄美！:P
2016-07-07 08:58:22
版主回應
都要架！否則好影響做嘢情緒…
我認為一首歌, 歌詞唔需要太複雜, 簡單易唱就好了~~
通常黃凱芹填的詞會帶點淒美, 扮浪漫卦~~哈哈
2016-07-07 09:32:04
新聞台Blog小天使
親愛的台長︰
　　恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！
2016-07-07 10:13:14
版主回應
謝謝新聞台的支持，將本文網誌獲選為本日文章，希望你們繼續多多關注，稍後會到文章區看看
2016-07-07 14:32:42
新聞台Blog小天使
親愛的台長︰
　　恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
2016-07-07 10:31:45
版主回應
謝謝新聞台的鼓勵，將圖片列為優質，希望你們日後仍多多關注，稍後會到熱門圖片區看看
2016-07-07 14:33:04
基爾
幾乎忘了問候森兄痛況,罪過罪過:P
係咪因為操果條拉力帶操得太勁?要適可以止,多啲休息才可復原^^
2016-07-07 12:18:18
版主回應
現在已經復原當中！多謝gael兄關心~~
嗰條拉力帶近排都冇乜玩…好多時風濕都唔知咩因由！！
你哋啲後生唔知咁多…唯有一有事就休息吓！！
2016-07-07 14:33:41
搞一爺
我讚森仔有魅力喎！點都比深度高幾班啦！
天妒森仔咁有魅力，所以，咁後生就得到呢個絕症，真係冇陰公囉！
YT 見羅蘭腳痛行得唔好，畀醫師艾灸完好翻晒，基督徒唔講大話，應該都可以冶風濕骨痛，我諗下次病發時試吓（我又厚多士喇！），可能斷尾呢！
2016-07-07 20:48:38
版主回應
你講的［魅力］好主觀，我自己就唔覺…反而［有深度］係客觀詞，代表人人都認同嘛～～

一朝早聽見你講既說話，真係大吉又利是！XD…你的說話真係：一啖砂糖一啖Ｘ…哈哈哈

羅蘭好似天主教徒喎！都冇話唔信，現在都試吓搵搵…你講嘅艾炙以前都試過，曾幾何時艾炙條都有幾條在家中，作用不大，反而針炙可能有機會試吓～都唔係厚多士，某估錯你都係出於關心啫～
2016-07-08 09:22:30
搞一爺
2個詞都係主觀嘅， 小學雞會話森仔好有深度，而長輩會話膚淺。

怕咗有啲人猜疑人哋讚佢嘅目的，咪要屎糖齊上囉！係寫作技巧。

黃綠森醫師識得自己施艾喺邊個穴位度咩？亂咁黎做又點會有效果呢，睇片陳×好似好勁喎！我都唔知真定假。

搞錯信仰添，好糊塗，咁信我一成好啦！哈哈！
2016-07-08 21:45:05
版主回應
小學雞會話有深度，長輩們會話膚淺…咁中年人士的說話應該最中肯…哈哈

真係冇你咁識修辭技巧，可能森伯比較直嘞！有嗰句就講嗰句……XXXD

有很多醫術可能對某些人起到作用，有些卻未必~~因應返自己就最恰當~~聲明：我係畀醫師施艾灸，唔係自己玩玩吓嗰種...

唔緊要！我自己都唔確定，好似聽過吓啫……
2016-07-11 11:59:19
kaka
咁…而家好番晒未呀？
會唔會天氣太熱有所影響呢？
因為都有親友老人家“生完蛇“，雖然巳康復，但天氣一有变化就會出現神經痛！
2016-07-11 13:48:32
版主回應
多謝KaKa關心，抖咗咁多日已經好好多～

其實風濕骨痛都係全天候，在我的情況來講都冇分熱或凍…

聽講生蛇係會長手尾，我又唔太清楚，總之一有唔妥就論盡‵
2016-07-11 14:56:09
狂小子Time Is Changing
最鐘意佢嘅雨中的戀人們同自製浪漫，好有意境！森伯你要好好保重呀！
2016-07-24 02:53:40
版主回應
多謝TIC的關心~~
很多黃凱芹的歌都喜歡,反而雨中戀人們唔係聽太多,或者搵日再拿來聽聽吧~~
2016-07-25 10:08:01
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文