「森」情小品文 ...

323愛的鼓勵 505訂閱站台

最近有些新聞是全城熱話，相信都會有好多人關注到，或多或少對大眾都可能會有影響，但係對於我來講，又無什麼相干，正所謂：事不關己，又何必勞心呢？！

零團費…
一向都知平的東西就無好的，尤其成個旅遊團咁平，都知旅行社一定要迫遊客去購物抽佣…雖然咁講，但係始終迫人購物就一定不對！其實去旅行都是想開開心心，如果撞正新聞人物「阿珍」咁既導遊，一買唔夠東西就上車鬧人，一定掃興死啦～～去旅行係散心，唔係激心架！！……
老實講！！我對外遊真係麻麻地感興趣，至於零團費更加吸引唔到我！！

八逹通…
真係實不相瞞～到家陣我都未有過八達通，雖則八達通係時下最流行的電子貨幣，幾乎好多人都會用到，的確有時都幾方便！之前有原因想申請，但到最後都打消了～除了怕它計錯數之外，家陣仲要怕個人資料被出賣…四年內八達通已經藉此獲利四千多萬呀！！你話離唔離譜！！！！
所以森伯到家陣，無論買咩都係用真金白銀畀錢架～～

 iPhone 4…
蘋果手機iPhone 4一推出後，就發現部機本身問題多多，有些國家都要迫住延遲先推出，最慘就係一早買了的人，又唔可以換返，唯有侷住用！！幸好我無呢種貪新癮，通常一窩蜂去買東西必定無我份…因為我不是用物質去炫耀的人，唔會在人面前玩弄部手機…唔會在人面前講無聊電話…情況就好似有些女士們戴住隻幾多卡的鑽戒咁，在人面前揚下揚下……怕人唔知佢戴住隻幾卡鑽戒！！怕人唔知佢用緊部最新款手機！！
下次有機會換手機，我都只係要求…1.細部…2.打出…3.打入……算唔算好高要求咁呢？？！！ 哈哈哈~~~~~