「森」情小品文 ...

323愛的鼓勵 505訂閱站台

相信大家金漆招牌就聽得多，至於金漆pizza又有冇聽過或者試過呢?!!..........

冇花冇假…真係一個名副其實的金色薄餅～～

話說新年期間，樣樣東西都要好意頭，估唔到嗌個pizza都意頭十足，因為席間有小朋友生日，有個pizza就唔少得喇，過年期間薄餅店都好識做生意，好早就派上傳單，通常都有一啲節日限定的款式，於是睇睇傳單上的薄餅選擇，佢會有埋各款薄餅餡料介紹，於是大家都贊同叫個「金玉滿堂」，材料都不外乎嗰幾樣！因為薄餅店近，所以自取都得！

正當準備吔之際，打開個薄餅盒，發現點解個顏色怪怪，細睇之下係金色…嘩！唔怪得叫金玉滿堂啦！估唔到買薄餅都有新春驚喜，當然大家見到都知係添加色素，大家都唔知食定唔食，有人話唔怕，但係食落口嘅嘢都係要小心啲…小朋友見到用手指點一點，隻手指好似搽咗金油漆咁！森老伯活到幾廿歲有咩未見過都畀佢嚇一嚇…見到咁情況佢父母梗係唔贊成食啦～於是乎個薄餅就原封不動，打電話問問！其實最主要係問佢有冇得換，據店員所講係師傅噴了一些金色的食用色素落pizza，如果怕都可以換的…於是乎都要落去換，據佢哋返嚟講店員都冇打開個盒睇，就知道啱啱我哋打過電話去…最後換返個冇色素的薄餅！

傳說中的金漆pizza，因為晚上影未必見到金光閃閃…都想讚讚呢間「Pizza 克」的薄餅店，有效率而且唔會貨物出門就冇得換……

一講到食物添加劑大家都怕怕喇，其實做食肆或食店，如非必要都唔好在食物上加太多添加劑！除咗要用「心」做盆生意，仲要用個「良心」去看待每位顧客。