本應今篇Blog就唔係寫呢個題目，之不過見到今日網上有呢則趣文，都有嘢想講吓……
通常人們對靚女都有個標準和評價，由古至今都係！在古時略為肥肥地都可能成為美人，所以有些古代美人的畫像，都比較圓潤！！相比今時今日就越瘦越代表靚，就好似瘦女＝靚女…
至於稱得上靚仔型仔的標準，就好少講到，其實唔同地方的人對靚仔型仔都有唔同的定義！因為唔想太多文字，所以撮要寫下，文章只有九個地方的標準：
美國：
首先要係白人，在荷里活電影明星都以白人為大多數，除此之外，強壯大隻兼且要留鬚，咁就至性感至型～～
墨西哥：
聽到墨西哥都知唔會太高要求，簡簡單單較Man就得，而且越Man越型～～
巴 西：
見到巴西都知應該有一身的古銅色啦！若然古銅色加埋五官標緻，咁靚仔行列你一定有份！文章仲講巴西的整容業都好暢旺，呢個又估唔到…
南 非：
諗都諗到南非以黑人居多，但佢地反而崇尚西方白人的身材，所以白人對他們來講才算是靚仔型仔！！
尼日利亞：
他們的年輕人們，都特別崇拜當地識音樂的男士們，而且要具備精壯得嚟又有勇氣，有勇氣得嚟又要cool cool哋…呢個國家反而重視內涵多過外表～～
土耳其：
他們的標準都有變化，由喜歡剛陽型變為浪漫細心型，而且他們認為男士冇胸毛會較好…所以當地最好生意的美容服務，就係幫客人處理心口嗰執毛囉～～哈哈
意大利：
一個充滿名牌品味的國家，原來他們的男士們都鍾意打扮，而且佢哋仲刻意著修身的衣服，突顯佢地標準的身形！！
英 國：
至於英國人又點為之靚仔型仔呢？！第一要紋身，第二要留鬚～報導講每5個英國人就有1個紋身…呢樣真係唔同人有唔同的效果，若果咁嘅打扮換咗港人，一定畀人話MK feel～～XXXD
韓 國：
韓國整容都好聞名，佢地認為理想模樣應該大眼、雙眼皮、鼻高高…男士絕對唔介意整容，他們為求靚靚仔仔，出街仲會化妝…@@
點解呢篇趣文冇提香港，計埋呢個地方啱啱好有十個…至於香港的型仔標準，就不如等大家玩下fill in the blanks！！
香港
＿＿＿＿＿＿ ＿＿＿＿＿＿ ＿＿＿＿＿＿ ＿＿＿＿＿＿
順便森伯伯睇吓自己仲爭（欠）幾多幾遠……><
文章定位：
