「森」情小品文 ...

323愛的鼓勵 505訂閱站台

今早也不知乜乜因由，明明醒了熄了鬧鐘，可是又再訓過，或者昨晚遲了點訓…所以搞到今朝超趕…理應平時二個鐘頭要做的事，縮至得八個字左右！！所以有咩理由唔趕呢？！！連食個早餐都冇時間，因為返工途中無咩食肆食店，所以要帶埋早餐…只係拎兩塊方包咁大把咋！！可想而知打工仔，有幾辛酸…> <

 

少少題外話兩則：

＊既然提到方包，最近食了一個唔錯的五穀麥包，雖然細細塊，但幾好食架！！而且佢表面有大隆細隆，証明佢用酵母發的，相對較baking powder有益得多～～至於張相當然係早前影啦，今早仲邊有咁既閒情丫！！

＊每次途經一間麵包店的時候，都會見到佢個招牌上有個大大既「飽」字…一睇之下又係錯別字啦！！麵包個包應該是「包」字…首先唔好話呢間麵包店離譜，就算連香港的麥當當網站，都將各類包寫成飽架！！唉～～～～