24h購物| | PChome| 登入
2015-12-04 11:07:40| 人氣992| 回應9 | 上一篇 | 下一篇

摸吓杯底…潤一潤！

推薦 0 收藏 0 轉貼0 訂閱站台

仿似秋天未到，冬季已經登陸了！間中都會感到幾乾燥，可能不時不食，呢個時候最適時識食就係雪梨，一般雪梨都幾酸吓，我冇食！至於其他比較甜的梨就常常食，因為唔係太多水果可以選擇嘛！

其實好多人諗起水果，都會諗起將水果榨汁飲，其實水果反而著重它的纖維素，如果主打榨汁，咁就好浪費它其餘的營養或者物質！我就會將水果攪拌，最主要就係能夠保存當中的纖維，今次整呢個果糊，既可清熱解燥，又可滋潤乾燥…總之咩「燥」都適合！真係幾啱森火盛的森伯飲！若果椰青水唔係咁易買到，用包裝椰青水都得！！

材料好易記，甜梨一個、甘筍一條、椰青水一杯…三樣材料放在攪拌機攪一攪！！一杯健康飲料即時奉上～

今日收到個唔錯的消息，本年度剩餘的假期都幾多，要計劃放吓假！飲料＋假期忽然間好有Summer Holiday mood喎！！咁你又唔好當森伯老退化，聖誕節就嚟，呢個飲品咁鮮艷，都好啱聖誕派對飲喎～

我要檢舉
#椰青水#甘筍#梨子#健康飲料
台長： 森源

您可能對以下文章有興趣

人氣(992) | 回應(9)| 推薦 (0)| 收藏 (0)
全站分類: 心情日記(隨筆、日記、心情手札)

我要回應
Gael
反而我鍾意食酸雪梨^^
不過喱個雪梨雜飲都唔錯喎,快靚正!不過森兄為乜事心火盛呢又?
大把假咁會唔會去過一個陽光海灘聖誕節呢
2015-12-04 13:06:27
版主回應
我食酸東西會導致腳骨酸軟…不過一般對酸都係麻麻地~~
你知架喇!! 老人家總有森火盛的時候~~睇班維園阿伯就知喇…..XXXD
陽光男孩就聽得多…陽光阿伯就未聽過喎!!!哈哈~~
過一個陽光海灘的聖誕等第時探親都或有可能嘅!!!
2015-12-07 09:22:10
stellaluk
椰青我鐘意，但高卡路里，間中飲吓喇！
2015-12-04 19:31:42
版主回應
都唔需要太擔心，跑到山頂影吓靚相，乜卡路里都消化晒…
2015-12-07 08:58:44
搞一爺
顏色好吸引又健康嘅有渣蔬果汁，除咗對身體健康加分外，咁滋潤嘅，森伯飲多啲咪好似半個世紀嘅城城keep得皮膚咁好，睇落都係30出頭，一舉兩得，計落有著數喎。

最近睇文章話白肉火龍果嘅紅噹噹層皮含有抗衰老、抗癌嘅花青素，我又信佢講食埋塊皮（最外果層果衣就冇食），層皮係冇味嘅，不過，滑潺潺好似面膜咁滋潤，食時同自己講應該可以由內靚到外，變番後生D，等人哋猜錯我幾大，等我開心吓，心理都健康啲。哈哈！
2015-12-04 21:09:00
版主回應
冇錯～搞出來的顏色相當靚，賣相唔差！！人哋城城食咩補品都得啦……！森伯就唯有靠呢啲Keep好自己，唔奢求越食越年青，只希望唔好越食越皺皮咋…XXXD

好多時都怕果皮有未去的農藥，所以分一啲啲水果先食皮～選食物多數食多少少含鹼性的食物，凡酸性食物唔好吔咁多，做成衰老的主因…

講多無謂…一於攞你張相等森老伯目測一吓！！！！
2015-12-07 09:21:26
ohtria
Any plan for your holiday?
2015-12-05 03:43:29
版主回應
睇吓有冇咩地方想去，就趁假期去～
2015-12-07 09:23:41
搞一爺
我唔理酸、鹼性食物， 盡量多食不同蔬菜生果，每日差唔多1斤菜同3—4個水果，想食零食時用生果頂肚。

整蠱森仔咪畀啲酸性食物，等你變軟腳蟹。kakaka

咁你目測八兩金啦！同我差唔多。
2015-12-07 21:30:53
版主回應
據聞食物的酸鹼對人好重要，你食的蔬菜生果，已經大部份屬於鹼性喇！有時間的話不妨上網查吓食物酸鹼種類…

整蠱唔到啦~~擺落口已經知酸唔會食！乜人哋擺乜落一爺個口都會食咩？！咁樣你好蝕底…分分鐘疴餐懵喎！！XXD

你冇聽過有圖有真相咩？！睇過先信～～嘻嘻
2015-12-08 09:26:05
ykk
森秋已過, 不過冬天飲杯自製三色葛和青都是個好主意!
2015-12-08 10:44:25
版主回應
平時KK兄飲開啤酒,相信呢杯果漿是個不錯的選擇,其實梨子和椰水都冇乜顏色,全靠紅甘筍才有鮮艷的橙色...
2015-12-08 15:47:55
搞一爺
呢個理論喺早幾年前我有睇過一啲文章，我反而相信某些西醫分析，話對人健康冇乜影響，所以，我唔理囉。

酸味食物 (sour food)唔一定係酸性食物 (acidic food)。好酸嘅檸檬係鹼性食物，肉類、谷物係酸性。森仔係唔食得酸味食物定係酸性食物？定係我似八兩金大明星而森酸酸就乜酸嘢食都唔想食呢！呢啲係天生嘅！你唔恨得咁多喇！kakaka

不過，我聽講男食酸、女食鹼會生慈姑椗嘅秘方，咁你一定係外父相。

有時唔知道真相仲好。
2015-12-08 13:10:02
版主回應
有時醫生們,營養師們都係依書直說講畀大家知~反而親自試過就會知道邊種有益的食物適合自己,與其信別人不如自己試試來得更實際...

你呢段一出,森伯即時畀你激到嘔泡泡~~你知老人家唔激得架嘛!!!!XXD
你估我話酸性食物指酸味味的食物咩!!!!!我哋平時食的白飯麵包肉類都屬酸性食物,長期只食呢類食物,就會搞到自己體質偏向酸性,據說人體屬弱鹼性,可多選鹼性的食物較有利身體...

聽你咁講又生仔秘方,又外父相,又講過滑胎...睇嚟一爺對呢方面都素有研究喎!!XXD

唔知真相仲好?!!...唔駛驚!畀啲信心自己!!!!
2015-12-08 16:07:52
Ka Ka
呢個有椰青水、甜梨、甘筍超正！
平時都有飲椰青水，呢個好滋潤！
2015-12-09 07:54:43
版主回應
係呀~~呢個天時幾啱飲, 清新得來又潤潤地…
其實好似你咁間中飲下椰青水都幾好架!!
2015-12-09 09:19:18
搞一爺
各有想法，各施各法，只要大家都健康就好。

乜都睇下啦！有趣嘛！

係好有信心，以八兩金個樣必入三甲最醜老男神，接受現實，人冇完美，在有限條件下活得開心最重要。
2015-12-09 08:56:14
版主回應
冇錯~~大前題都係想健康啫!!!

恕森伯唔上進, 唔關自己的事好少睇…：P

其實一諗起八兩金未必諗起醜, 返而諗到惹笑…
氹得人笑都已經唔簡單啦!!!
2015-12-09 09:29:25
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文