24h購物| | PChome| 登入
2015-12-09 13:21:07| 人氣1,593| 回應9 | 上一篇 | 下一篇

美食車…

推薦 0 收藏 0 轉貼0 訂閱站台

聽到引進美食車對港人來說，好似是財爺一個新構思，其實以前嘅走鬼車仔檔，甚至雪糕車，都已經係美食車啦！呢類車仔檔都唔知陪過幾多港人成長，相信都冇邊個話雞蛋仔、格仔餅、魚旦、沙嗲串燒、狗仔粥等…唔好食卦！既然咁！新型的美食車當然一定要有不同，而且有規管…初試引入12部車！聽落好似少咗啲！入場費要60萬港元，唔知指架車定牌費？！而且唔係個個都可以投得部美食車，要經過烹飪比賽獲獎先得！仲要美食夠創意，非一般雞蛋仔，魚旦之類…據報導講最後仲要睇埋實戰成績（睇吓大眾對食品的受歡迎程度）！


擬似本港的美食車（網上圖片），跟想像中的外國美食車相比遜色好多好多…

所以美食車唔係話做就可以做！都要過好多關～可惜唔係咁易投得，否則相信都幾多人想加入呢個美食車團～～大家都知喇！港人對美食的追求有幾咁深切架啦！扭開電視差唔多個個台都做美食節目，未食飽，已經睇飽…

若然做美食車，森伯都唔知可以整啲咩美食去賣！要夠創意得嚟！又唔可以太普通，仲想整個森情雞蛋仔…又或者森記魚旦粉…創新美食又未必個個授！美食車又難求…睇嚟森伯第時都要揼番架走鬼車仔賣吓雞蛋仔、煨蕃薯、炒栗子之類算嘞！！

我要檢舉
#美食車#港式街頭小食#車仔檔#美食
台長： 森源

您可能對以下文章有興趣

人氣(1,593) | 回應(9)| 推薦 (0)| 收藏 (0)
全站分類: 心情日記(隨筆、日記、心情手札)

我要回應
搞一爺
啱啱被米芝蓮送1粒星嘅 ××甜品屋，開心未完，點知又立即被業主瘋狂加租，檔主真係谷住度氣，有呢架車以後唔駛又驚無良業主勁加租冇得做，有粒咁大名氣嘅星星照住，當然好好食啦！ 我估應該好大機會入選。
2015-12-09 21:04:59
版主回應
地產霸權越來越有霸氣...十成八舖頭都因為租金問題而執笠!!香港仲話營商環境好?!!
除非呢種車有固定地方停泊,否則未必個個知地方,始終固定舖頭客源會穩定啲!
人大了好少出街食甜品糖水之類,記得細時有檔路邊檔的糖水好有風味~~
2015-12-10 08:57:06
ohtria
就整沙嗲雞旦仔,魚旦格仔餅...啦.
2015-12-10 05:18:23
版主回應
創意就夠晒~~但未必受歡迎喎!!
2015-12-10 08:58:15
stellaluk
呢的餐車早早在工廠區為上班一族服務多年了！
2015-12-10 08:01:02
版主回應
Stella真係見多識廣,我未見過更加未幫襯過呢類餐車啦...
2015-12-10 08:59:45
ykk
圖中美食車外型有森無歷, 不討好, 要改善才可吸引人.
2015-12-10 12:33:24
版主回應
好普通又唔顯眼,好難吸引到人注意~~
始終香港公路細又窄小,美食車唔能夠做到似美國咁...
2015-12-10 16:33:28
MAN-MAN
森伯整番檔鯪魚球生菜啦
2015-12-10 18:00:09
版主回應
鯪魚球生菜我麻麻地...揀鍾意食比較好,賣唔晒都可以自己食返~~哈哈
2015-12-11 09:26:42
新聞台Blog小天使
親愛的台長︰
　　恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！
2015-12-10 18:30:10
版主回應
多謝新聞台的支持~~我會繼續努力撰寫的,希望繼續得到您們的關注!!
稍後會到哈燒文章區看看!!
2015-12-11 09:28:12
Gael
始終係好視乎賣啲咩嘢食,同埋價錢係咪抵囉,當然方便就腳都重要.......
森兄成日有小天使讚,好開心^^
2015-12-11 13:37:17
版主回應
咁又係呀！一般港人又要價錢經濟，又要食物好食…要搞一壇生意真係唔易架！！

我諗新聞台都係想搞些人氣之類卦…
2015-12-14 08:57:56
KaKa
如果你賣栗子、煨蕃薯，我一定幫襯！
2015-12-15 23:38:03
版主回應
咁就開心嘞!!起碼都有一個顧客幫襯...
不過Ka Ka嚟到,唔收錢又點話丫~~~
2015-12-16 09:24:41
新聞台Blog小天使
親愛的台長︰
　　恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
2016-01-07 15:20:19
版主回應
衷心多謝新聞台的支持，會繼續在PChome寫我的網誌，希望您們仍繼續對森Blog的關注！

稍後會到圖片區看看！
2016-01-08 09:57:42
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文