24h購物| | PChome| 登入
2015-10-19 17:10:53| 人氣1,288| 回應11 | 上一篇 | 下一篇

係時候！幫自己搵定…

推薦 1 收藏 0 轉貼0 訂閱站台

正所謂：老吾老以及人之老…有好多人一提到老字，就會有忌諱，但對森伯伯來講都唔需要有咩避忌，反正人都已經老邁啦！仲有咩值得忌呢～XXXD

最近真係有幾多節目都跟老友記有關，可能人口老化問題，呢類節目就越見得多，有啲節目都幾深入探討，會幫你計吓至退休時候要使幾多錢等等…有時真係越睇越森寒，尤其對森伯呢類貧苦大眾，要儲起來養老的錢實在唔少…你叫森伯伯點負擔！！><

而且最近有位親戚需要入住護老院（並不是相中的護老院），其實並不是乏人照顧，應該話冇人有專業常識照顧，所以迫於入住護老院…當一個人後生的時候，如果要留醫住院都總係嚷住出院返屋企，但長者一住老人院，就真係唔知幾時可以「出院」！有可能至到百年歸老！所以反而一間好的安老院就最實際……

對於森伯伯來講，到老還識自己照顧自己起居都已經好好，當然住自己個狗竇好過去安老院啦，之不過世事好難講嘅～自己現在可以做，就係顧好身體先，第二就要切切實實儲吓錢，希望將來唔駛做個貧病交煎坎坷的老人家！！


呢間安老院係早排的新聞話題，初時以為已經冇人住，但仍見到有啲老友記出出入入，個樣又無乜嘢喎！！

咸豐年前有句說話：唔好咁長氣，老人院都唔收！…幸好！私底下的森伯文靜內斂，老人院應該收卦……

我要檢舉
#長者#安老院舍#人口老化#老人服務
台長： 森源

您可能對以下文章有興趣

人氣(1,288) | 回應(11)| 推薦 (1)| 收藏 (0)
全站分類: 心情日記(隨筆、日記、心情手札)

我要回應
Gael
森兄搵錢能力強,晚年應該不愁生活費^^
2015-10-19 21:16:49
版主回應
搵得一兩蚊,你話強唔強呢?!...
晚年除了生活費之外,都仲有其他事愁架!!!
2015-10-20 08:21:26
搞一爺
森仔都講咗二個獨居長者嘅條件。
顧好身體……除咗注重飲食，運動都係必須。
儲蓄……要學識投資錢生錢，咁個老本唔會愈用愈小，仲要對抗通脹嘅蠶食。
希望未來能有個機械人盡心盡力照顧，好過請工人。
2015-10-19 21:33:16
版主回應
顧好身體同儲蓄,咩長者都應該要關注啦!!
照顧身體而家森伯已經做緊~~不過投資方面就要請教一爺嘞!!希望可以過我一兩招錢生錢之道~~哈哈
要有個機械人可以代替人手照顧?!!...真係等到森伯百年歸老都未得呀!!!!!
2015-10-20 08:27:47
amour
養好身體，好重要！
2015-10-19 21:48:24
版主回應
所以阿摩趁現在後生,真係要好好照顧身體呀!!
2015-10-20 08:32:17
Peter Yau
早晨你好!
2015-10-20 10:12:27
版主回應
好耐冇見喇~鵝哥!!午安~~
2015-10-20 15:45:56
新聞台Blog小天使
親愛的台長︰
　　恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
2015-10-20 17:56:51
版主回應
其實森Blog每張相片都令我有感而發才寫這些博客文章啊...
謝謝新聞台小天使的讚賞,稍後會到熱門圖片區看看~~
2015-10-22 08:42:02
stellaluk
而家的醫療費貴到飛起，我希望天賜我無疾而終就好了！我唔怕老矣！怕病痛來磨矣！
2015-10-20 18:47:22
版主回應
你還後生嘛~~只要趁這個時候多多注意身體,將來都可能少些病痛吧~~~
對好多人來講,都很怕有病有痛...
2015-10-22 08:44:48
BIM
人最緊要有選擇，唯有管理好自己，家人，健康，財政，有足夠準備。
早年時常去老人院，我反而會從另一個阿Q角度諗，一班公公婆婆可以入住老人員，是他們積下的福，豈碼他們有地方住有人照顧，夏天有空調，不至失宿街頭。
2015-10-20 21:48:34
版主回應
你好孝順喎!!家人總是排高位~~通常家人總是會記掛一世架啦!!!
從另一個角度可以這樣想的!!但是在他們的角度來看並非願意或感到快樂,
當然每位長者入住老人院都有很多原因, 總之有人照顧或有膳食住宿, 已經不錯, 所以老人院的服務好重要, 因為很多長者的晚年都要在內渡過~~
2015-10-22 09:21:58
kaka
而家住老人院D費用都唔平架！
2015-10-20 23:35:28
版主回應
現在什麼物價也高漲, 當然老人院費用也不例外…
2015-10-22 09:22:18
搞一爺
豈敢班門弄斧，學我靠估神嘅一招半式實行撲直做梗大閘蟹同負資產苦主啦！有心學投資就要畀錢上堂並買書自修，財神先至會降臨，我可以喺新年扮細紋仔送張財神畀森仔就得。
2015-10-21 00:16:03
版主回應
我又唔同意~無論做大閘蟹一話成為負資產, 每位投資者總有些經驗之談可以講下!! 最近我都想買些簡單投資書睇睇, 你有冇咩好書介紹畀我呢啲投資白痴的初哥睇呢??
咁你要等到年三十晚拍森仔度門去遞上財神才可…你有冇咁神心先?!!哈哈哈
2015-10-22 09:23:23
ykk
以為森兄講搵劍橋森造潻!

唔洗驚住, 你還年輕，有森爸母照顧, 有排啦， 到時，　劍橋可能變了牛津？！？！

講起, ykk就快可以攞政府老人卡了．
2015-10-22 12:27:29
版主回應
人哋就係劍橋深造…森伯就係劍橋養老~~~~
自己都幾廿歲人, 都唔希望要父母太多照顧或操心啦!!

有時人的年齡只是一個數字, 反而心境年齡才為重要…
2015-10-22 16:16:05
搞一爺
投資係五花八門，可以買樓、買工厦、買車位、買紅酒、買實金、買鑽石、買外幣、買古董、買基金、買股票、做銀行定期、買債券、買ibond，每個人都有自己偏好，有人話買樓收租好過買地產或產業信託股，有人話買股票好啲，最緊要係你買咗後瞓得著唔驚餐屎。買股票都有好多門派，有睇圖表，有價值投資，有基本面分析，有聽消息，有撈底， 有短綫、中期、長綫、收股息，專攻藍籌龍頭股、二/三綫股或毫子股，名施各法。我係流流哋架，唔悉推介，試吓睇
1.郭大俠教你用閒錢賺大錢
2.股票作手回憶錄
3.股價趨勢技術分析(上、下)
睇完第一、二本覺得有興趣先至睇第三本。
2015-10-22 21:26:43
版主回應
嘩~~成個投資顧問咁喎!!!@@
咁多投資產品真係要好好逐樣睇下, 每樣都係學問, 或者都要交下學費去碰吓彩數, N年前試過做定期存款, 不過後來感覺利息完全唔吸引, 好就好在冇乜風險, 可惜回報亦唔高（直情低）,我覺得呢樣小投資已經唔合時宜…結果就冇做lu…可能自己長者啦!! 真係要好好考慮兼認識一吓, 否則連棺材本都蝕埋喎~~
你介紹的書頭一兩本試下搵…
第三本確實幾專業, 相信內容都會好悶…XXXD（好怕內容理論多於實踐…）
不過都好多謝你咁詳盡的分享…
2015-10-23 09:18:02
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文