24h購物| | PChome| 登入
2015-06-16 05:46:19| 人氣1,208| 回應9 | 上一篇 | 下一篇

傻男私房菜－栗子豆腐

推薦 0 收藏 0 轉貼0 訂閱站台

唔講都冇乜為意，原來今日(15/6)就係一年一度的健康素食日，相信好多人都好似森伯咁唔提起就會唔記得！其實素食日的原意係提醒各位重視健康飲食，而最近的政府宣傳片都多了講有關素食的訊息…對森伯來講素食唔係咩特別事，因為早已經把素食帶入了日常的飯餐中～～

又唔知關唔關星座事喎？！森伯性格真係幾極端吓，就算要食素，一係唔食；一食就要自己整，唔想食太多食肆的齋餸，自己整就真係百份百健康素菜！

既然係健康素食日，咁就嚟個全素啦！！

話明傻男私菜，梗係容易整啦…食素的人除了追求食得健康之外，仲要食得簡單，食得清淡為原則，首先滑滑的豆腐一塊，乜舊豆腐有個發字嘅?!!!...哈哈哈，再要啲栗子，而家一年大部份時間都有栗子賣，應該唔難搵…

把豆腐砌塊，加上栗子碎（基本上生或熟亦可，不過弄熟後再蒸會好味得多！），整好後加上葱花，現在有新沙士食多少少葱蒜之類有幫助！調味就用橄欖油和豉油（豉油可隨個人需要）跟住連米放到飯煲一齊煲，當飯熟後就有得食！！

相信人人都知，豆腐的蛋白屬優質蛋白，而且仲有鈣質，而豆腐加上油就會令鈣易吸收，而且豆腐又可以降膽固醇…而栗子有健脾補腎作用，一次唔能夠食太多，五、六粒就可以了…而葱就可增強抵抗力！一碟簡單的菜就有咁多營養，點計都抵晒啦！！森伯就貪得意響應吓素食日，是日早午晚三餐都素食，應該OK嘅！唔知大家又會唔會試吓？！


間唔中咁食法，除咗健康啲啲之外，仲幫森伯個荷包慳番唔少！！Yeah!!!!!

我要檢舉
#素食日#豆腐栗子#簡單飲食#健康
台長： 森源

您可能對以下文章有興趣

人氣(1,208) | 回應(9)| 推薦 (0)| 收藏 (0)
全站分類: 心情日記(隨筆、日記、心情手札)

我要回應
stellaluk
又儍得健康！掂喇！
2015-06-16 10:10:10
版主回應
通常話傻得可愛~~邊會話傻得健康架!!哈哈
2015-06-16 22:34:05
man-man
咁有營養等我都試下先。
2015-06-16 11:48:11
版主回應
雖然口味淡淡, 但營養健康取勝!!
2015-06-16 22:34:50
man-man
咁有營養等我整番碟食下先。
2015-06-16 11:50:14
版主回應
有機會不妨試吓整, 做法簡單幾適合都市人…
2015-06-16 22:35:20
kaka
我好鍾意食粟子，豆腐都OK，呢味素食都好啱我。
2015-06-16 11:57:26
版主回應
你講起鍾意食栗子, 會諗起栗子蛋糕, 不過現在做蛋糕的栗子質素好差!!!!
唔難不妨試試!
2015-06-16 22:36:12
Gael
食完係咪會好似森兄咁又白又滑即時靚仔咗先?!!
2015-06-16 12:30:20
版主回應
呀基爾兄的回應越來越虛浮…
食完感覺都幾清新吓!!!
2015-06-16 22:37:00
ykk
奮不顧辛,齋素森聲,日日健康泉源.
2015-06-16 16:42:35
版主回應
通常老人家先會講養生,講健康啫…
2015-06-16 22:37:24
ohtria
豆腐我prefer配濃味o既汁.
2015-06-17 05:20:01
版主回應
正常喎!!! 通常淡味的食物配個濃味醬汁…好似紅燒豆腐或麻婆豆腐!!自家食清清地就算…
2015-06-17 22:22:15
搞一爺
齋舖為咗好食吸引啲客仔加咗大量唔健康糖油黎煮，愈食愈肥，醒目森仔識得避開呢個糖衣陷阱，我都要跟足你呢個極端儍仔咁做，無法啦！森仔自眨，我都被你眨埋一份添！


我每周都有一日食超低卡半素（有食雞蛋），成績好理想，條腰瘦咗4吋，輕咗5kg，遠離咗肥胖危險警界線，自我感覺安全健康、好開心。


我會多食魚雞鴨小食豬牛，因為有啲營養喺豆類制品欠缺咗， 多啲唔同選擇食得開心，又攝取不同營養素，全素太寡，覺得活得唔精彩、唔開心，生存又有乜意義呢？
2015-06-17 06:11:13
版主回應
齋舖間中食吓無問題，但長期幫襯就未必健康，尤其是齋口唔齋心系列的菜式，可能仲多添加味道，添加口感！就適合剛學食素的人去食，起碼唔會感到口寡寡，慢慢習慣素菜後再轉為清淡…
其實好多健康資料你都知你都識，至起碼幫到自己飲食方面喇！減肥呢方面就好講自己的意志力，同持之以恆的耐性！總之均衡飲食就最穩陣，唔會缺乏啲冷門營食素嘛…

我又認為生存意義，包括好多樣東西！食物只是其中一樣～就算食得口啖啖都唔一定冇意義，睇你有冇發掘到當中的樂趣啫，你睇環保男神周博士平時食嘅嘢…相信唔係好多人食得到，但睇佢都好開心好滿足喎…可能都係心態問題啫！

打打吓好似成篇Blog咁～哈哈
2015-06-17 22:23:02
搞一爺
我食一日素都已經達到我減肥變健康嘅目標，再無推動力向難度挑戰食全素，真心佩服森仔喺呢方面嘅意志力，各有所需道不同。

我要健康，體脂率現已降到健康水平，無必要好似周博士咁激瘦。每周有三次運動，然後拉筋，避免老人肌肉留失，加強心肺功能，保持肌腱關節柔軟。
2015-06-18 23:26:02
版主回應
其實我覺得平時食開肉的人要轉食素係好難的事, 你已經算好叻…而且見到有成績就更加好喇!!!
唔好誤會, 我唔係食全素架!!!...營養均衡最重要~~唔健康嘢食都食, 不過唔會過量…
運動好重要, 森伯老人家都冇做劇烈運動, 在陽光下緩步行已經唔錯!!
2015-06-19 20:46:07
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文