「森」情小品文 ...

323愛的鼓勵 505訂閱站台

現在生活裡都離唔開電子產物、尤其電腦…而我哋見得最多電腦應該係辦公室，差唔多每一個同事都有一部，最大問題就係呢類電子產品，唔會長期用，只要過得三、四年就要陸續換新的，始終電子產品都係講求新功能，只要一過時少少，就不會繼續用，尤其現在最恐怖的地步，就是在很短的時間內就有新版本、新功能的出現…所以要追新科技、追新潮流，就永遠追不上…


每次公司有一批新電腦送來，舊的電腦就成為電子廢棄物，我知有些可能會送人，或拿去電子回收站，好好處理當中的零件循環再 用…但是若然處理不當，就一定會影響環境，以前曾經睇過一個講環保的節目，內裡講收到的電子廢棄物會送到一些第三世界的國家堆填，而當地的窮人知道呢類電 子廢棄物裡面有值錢的金屬，所以用自己的方法提煉出來，而最直接就是用火燒，但製作過程中更會令他們中毒，而且污染他們的水源…所以有很多人都估唔到電子 廢物的遺害可以咁大，就不斷將手中的電子產品棄舊換新…

其實公司每次不要的電腦，或周邊產品都可以畀大家同事認收！都唔錯，一來可以畀有需要的人繼續用，二來可以減少一件電子廢棄物，三來又唔需要買過新一件…都算是三贏！咁我又未試過認收公司的舊電腦或周邊產品，因為本身有就唔需要！

或者我哋都市人都好好反省自己的消費模式，都唔一定有新就要換、就要買，記得有位環保組織幹事講得幾啱：現在的人是由電子產品公司決定他們要什麼（功能）而不是由自己決定要什麼…說話中十分有道理！

如果大家都有舊電腦不要，都可以聯絡──明愛電腦工場，他們可以將舊電腦好好處理或翻新送給有需要之人士…