24h購物| | PChome| 登入
2015-09-29 16:14:04| 人氣1,610| 回應11 | 上一篇 | 下一篇

月光下的…通渠！（中秋延續篇）

推薦 1 收藏 0 轉貼0 訂閱站台

霎一霎眼，中秋就過了！幾日假期又要重新投入工作了，查實仲有邊個會有心機工作，跟住又假期…今個禮拜返得幾日工咋！！哈哈

都係入返正題先，人哋中秋夜就賞月賞花，在荷塘月色下品嚐月餅，閒來就吟吟詩；作作對，相當雅興又高尚…但何解森老伯在月圓之下…通渠呢？！> <

事緣…迎月當晚是做節，食過做節飯之後回家食個飯後果，吃過生果後的果芯（已分為幾段）就掉了落廁所（因唔想掉落垃圾桶惹小昆蟲），可能個果芯太大，初時一二次沖廁都冇乜問題，殊不知廁水就不斷升高…好唔對路，好可能塞廁所渠，森諗：乜咁大劑呀…好彩水漲極都冇漏出嚟！簡直萬幸～哈哈

其實森諗都要搵人修理，但想到明天中秋係假期，翌日又係假期…仲有冇人嚟整呢？！結果嘗試用最原始的方法，用廁揼通渠…唔太得！當時最驚就係有咩人有三急之類，不過幸好樓下有廁所可作臨時用…講真，交咗咁耐管理費我都係第一次有機會幫襯個廁所…XXXD

結果揼到天光就要諗啲計仔，都有用醋倒在廁所內等佢溶一溶阻塞物，加上繼續揼，真有少少得…到最後都係要買哥士的加滾水才搞掂！！當堂有如釋重負的感覺～～至少可以有番廁所用，又可以慳返修理費…

都係一個好好的教訓，等森老伯唔好再咁老懵懂！相信唔會再有下次～都算一個難忘的中秋夜…

在香港中秋過後，天氣開始慢慢轉，在樹叢間真係見到很多蜻蜓飛舞，正正代表秋意漸濃！臨時臨急就畫張蜻蜓畫點綴吓版面！


我要檢舉
台長： 森源

您可能對以下文章有興趣

人氣(1,610) | 回應(11)| 推薦 (1)| 收藏 (0)
全站分類: 心情日記(隨筆、日記、心情手札)

我要回應
ykk
哈哈! 森兄以畫會友, 事件只是蜻蜓點水! 明早, 一天光晒.
2015-09-29 16:41:46
版主回應
以畫會友，志在交流啫！！
其實不能說蜻蜓點水，嗰晚成晚唔駛訓，頭都大埋～XXD
2015-09-30 09:19:19
Gael
仲以為你會畫個廁所XXXD
下次果芯用廢紙/報紙包好再裝入沒有用的膠袋密封,一定唔拍有小昆蟲,第二朝拎落街掉咗去,就無問題啦
2015-09-29 18:40:07
版主回應
畫個廁所?!!...可能有BLOG友一路睇一路食早餐,費事影響人哋胃口啦!!XXD
我平時都會咁做，會用報紙包起來，可能當晚懶得攞報紙，一時貪就手，估唔到搞到咁大件事！下次唔會...
2015-09-30 09:25:15
搞一爺
好驚險播，起首既內疚又焦急，攪一大輪身水身汗，最終通翻至鬆一口氣，如釋重擔，心情大起大落，平時真係要做番啲啲激烈運動強化心肺功能至承受得住。

哥士的諗起 曾 Sir 喎！

上次森仔咪教我喺馬桶度貼《常滿》，做人真係唔好亂嗡，上天會睇到你寫架，即刻現眼報，我都話貼《出入平安》至啱啦！哈哈哈！

快啲喺厠所板度畫番個蘋果芯提醒啲聰明人啦！
2015-09-29 20:42:40
版主回應
你真係講中晒我當時的森聲呀！都冇嘅…作最壞的打算都係搵人整～不過最大問題唔知假期有冇師傅肯整…
以前曾Sir真係有料～
家陣你巴閉啦！笑番森伯…其實出入平安都未必貼切，路路亨通呢張反而要打孖左右貼…哈哈哈
仲駛鬼畫水晶梨芯咩！家陣見到個廁所都忌佢三分…XXXXD
2015-09-30 09:38:54
stellaluk
特別加插驚險迎月節目，哈哈哈！
2015-09-29 20:51:34
版主回應
哈哈哈...仲刺激過玩某主題公園的哈佬喂~~
2015-09-30 09:41:49
ohtria
又有乜o野假?
2015-09-30 04:09:05
版主回應
中秋假期後...又到10/1國慶假期~~
呢排幾多假期!!
2015-09-30 10:02:18
新聞台Blog小天使
親愛的台長︰
　　恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
2015-09-30 13:31:26
版主回應
謝謝新聞台小天使的鼓勵,很高興圖片被列為本日熱門圖片,希望日後仍多多支持,稍後會到圖片區塊看看!!
2015-09-30 14:34:51
新聞台Blog小天使
親愛的台長︰
　　恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！
2015-10-02 15:22:53
版主回應
謝謝新聞台的鼓勵~~我一定會繼續寫好博文,希望您們仍多加留意!!
稍後去哈燒文章看看!!
2015-10-04 09:41:47
amour
從錯誤中學習！
2015-10-02 17:47:48
版主回應
對!!生活就是不斷的經歷,不斷的學習...
2015-10-04 09:42:48
kaka
你真喺好彩！
揾人通渠...不但貴，如果要出外牆先通到...
好似要搭棚...工人要買保險架...重麻煩！
2015-10-02 22:42:49
版主回應
幸好可以搞得掂,否則就要畀修理費~~
而家乜都貴啦!!所以自己做到就最好!!
吓!!乜修理要咁大工程?!
聽個親戚話搵個彈弓型的通渠鐵線就搞掂,維修師傅食水都幾深...
2015-10-04 09:49:21
kaka
我都喺聽鄰居講...佢之前廚房去水渠塞咗，
師傅話要搭棚整...
所以唔好亂掉垃圾落廁所、廚房去水渠等等
2015-10-04 12:07:22
版主回應
都好難一概而論,好睇樓宇的設計模式~~
不過都好大搞作,我見過人整冷氣機都要搭棚...
經過今次教訓,都知驚啦!!哈哈
2015-10-05 11:19:15
BlM
中秋塞渠喉，月夜暗留香。中秋佳節過後，我突然想寫下書法（有病）
2015-10-04 22:44:35
版主回應
暫時仲未到留香的地步...如果係就要即刻買六合彩~~哈哈!!
突然想寫書法都係病?!!想做就做~~
2015-10-05 11:23:37
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文