「森」情小品文 ...

323愛的鼓勵 505訂閱站台

自古以來，鮑魚已經是珍貴的菜餚，素有八珍之稱！！以前鮑魚這種食材，就只會出現在達官貴人的宴席上，但時至今日，一般普羅大眾都可以品嚐一下佢的滋味～～據中醫藥理來講，鮑魚有滋補作用，好適合虛不受補的人食，可以進補之餘又唔燥熱！！

不過買得鮑魚煲湯，一定要買鮮鮑，因為鮮鮑先至有鮮甜味，而且更有益～～

 

這些就是澳洲青邊鮑，經過清洗乾淨後就白雪雪～～至於這種名貴的食材，就一定唔會由森伯去搞啦！！當然要交畀森媽煲湯好過！！……

 

P.S.澳洲青邊鮑因水災影響，出貨量少！兼且因香港需求大，所以令鮑魚價格大大上升～～而且過份採捕，野生青邊鮑數量下降…或者為經濟，為保育都可以食用螺肉代替…

 

 

講到彼「鮑」，又點會唔講下此「包」呢！對森伯來講，麵包都算每日生活不可少的食品，既是早餐，更可以是下午茶餐…好耐之前，會食白方包，不過家下注重健康，多數買全麥方麵！不過有好多麵包舖，都會用染色包充當全麥包，包上只見到少少穀皮，好搵笨！！當然未必間間都係，就以呢款山ｘ（Yamazaki Bakery）的麥方包，所製的麥包，就好明顯用全麥兼且五穀做的！！而且睇得到用酵母去發包的，而唔係用發粉！！雖然袋上列明有少許添加劑，但可以保持幾日品質…

 

一睇外表，都知是真正的全麥包…新鮮食口感一流！！

  

 

無論食鮑魚又好，食麵包又好…總之隨個人喜歡就最好！！

 

食完一輪鮑參翅肚後，森伯又要食返白菜仔…鹹魚仔…腐乳仔…做餸喇！！歌仔都有得唱喇～鹹魚白菜也好好味…

 

兔年就到，祝大家來年豐衣足食，越食越健康，越食越有“營”！！