獅．石．史．識 我叫做石牧民，我主張台灣獨立。 知識分子要是沒有抑鬱以終那也算是遜掉了。 我。 2.0 海外版

8,473愛的鼓勵 0訂閱站台

（台語）

禮拜，我去Austin遮ê台灣基督長老教會參加聚會。

 

前一暗，佇Austin台灣基督長老教會歡接UT Austin台灣新生ê會場，我來熟似（si̍k-sāi）自Houston來助講ê許隼夫牧師。我介紹家己，kā許牧師講，阮爸爸是長老教會ê會友，毋過我家己無信上帝。牧師一咧聽，連鞭舉《聖經．路加福音》第15章內底ê例，講我tō若親像100隻羊仔隻中央走失ê彼隻。講煞，牧師邀請我隔轉工來教會聽伊證道。

 

我答應牧師，嘛真正有去。綴其他會友唱聖詩，坐佇台跤，聽牧師講道。許牧師講ê台語，有庄跤人ê草莽，嘛有讀冊人ê文雅；而且，未曾未（buē-tsîng-buē）tō會講出真濟心適（sim-sik）ê俗語。有兩句我印象蓋深：

 

五角銀魚脯（póo）仔，全全（粒粒）頭。

五角銀實在買無啥。干焦五角銀，販仔tō會攏提較無肉ê魚頭hōo顧客。規句是咧講一ê團體內底，逐家相爭欲做頭，煞變做莫衷一是。

 

牛牢內觸（tak）牛母。

牛仔佇牛牢內無地行、無代誌做，煞來佮牛母相觸。規句是咧講家己人袂曉互相吞忍、互相體諒，煞來相爭、相害。

 

許牧師真有疼心。毋但（m-nā）提伊家己ê台語文作品送我，佇證道中間嘛群仔擺將我介紹hōo會友。

 

主日學結束了後，會友做陣食中晝頓。濟濟會友主動來佮我講話，表示歡迎。牧師娘嘛耐心佮我講真久ê話，有講著伊佮許牧師咧欲轉ì台灣，去山地佮散赤鄉鎮義務證道，嘛有講著台灣ê現狀、台語文ê推廣；牧師娘勻勻仔講，一直kā我鼓勵。

 

我tō來想著，

 

我看著牧師講道，牧師娘tō佇邊仔彈鋼琴，心內感kah真溫暖。我看著濟濟會友主動來接近，問我敢有慣勢Austin遮ê生活、問我讀博士ê專業⋯⋯，心內感kah真溫暖。我聽著教會ê詩班唱出真優美對上帝ê呵咾（o-ló），心內感kah真溫暖。我綴咧唱聖詩ê時陣，想著阮爸爸愛唱聖詩、想著爸母ê恩情，心內感kah真溫暖。

 

我嘛來想著，

 

這ê世間有呵咾ê歌聲tsiah優美、有我ê母語tsiah文雅、有濟濟兄弟姊妹對像我按呢生份ê人tsiah有疼心、有晟養（tshiânn-ióng）我ê爸母tsiah慈愛⋯⋯，

 

敢毋是一種較大天ê恩典？

 

我毋是基督徒，毋過我知影，這款感恩ê體會，tō是一種接近宗教性ê體驗，

 

tō是「聖神」（the Holy Spirit）來充滿。

 

我是走失ê羊仔隻，是浪子、歹囝（the prodigal son）；毋過，我來到美國ê頭一禮拜，tō識捌濟濟有疼心ê朋友、長輩，受著濟濟關愛佮幫贊。準做我猶未正正知捌賜我性命佮恩典，我感覺家己永遠無通真正了解ê神，

 

伊上無已經使我知捌感恩。

 

 

（北京語）

週日，我去奧斯汀的台灣基督長老教會參加聚會。

 

前一晚，在奧斯汀台灣基督長老教會歡迎臺灣新生的會場，我認識了由修士頓前來助講的許隼夫牧師。我向許牧師介紹自己，說父親是長老教會的會友，但是我並沒有基督信仰。牧師聽到了，就舉《聖經．路加福音》第15章中的例子，說我就好像100隻羊群中那1隻迷途的羔羊。說完，牧師邀請我隔天到教會聽他證道。

 

我答應了牧師，也的確去了。跟著其他會友唱聖詩，坐在台下，聽牧師講道。許牧師說的台語，有鄉下人的草莽，也有讀書人的文雅；並且，不時就會說出很有趣味的俗諺。有兩句特別令我印象深刻：

 

五角銀魚脯（póo）仔，全全（粒粒）頭。

五分錢實在買不起什麼。只有五分錢，魚販就會給比較沒有肉的魚頭給顧客。整句話猶言一個團體中，大家爭相主導，以至於莫衷一是。

 

牛牢內觸（tak）牛母。

牛關在籠中哪也去不了，窮極無聊，最後竟然和母牛相鬥。整句話猶言自己人不思互相容忍、體諒，竟然彼此爭強、傷害。

 

許牧師很是慈愛。不只送我他自己的台語文大作，在講道中更屢次將我介紹給會友。

 

主日學結束後，會友們一道用午餐。很多會友主動和我談話，表示歡迎。牧師娘也耐心地和我說了很久的話，說到了她和許牧師即將返台，到山地和窮鄉義務證道，也說到了台灣的現狀、台語文的推廣；牧師娘娓娓地說，一直給我鼓勵。

 

我所以想到，

 

當我看見牧師講道，牧師娘就在一旁彈鋼琴，內心感到很溫暖。當我看到好多會友主動接近我，詢問我是否習慣Austin的生活、問我在博士班的主修科目⋯⋯，內心感到很溫暖。當我聽到教會的詩班唱出讚美上帝的優美詩歌，內心感到很溫暖。我跟著唱聖詩的當下，想起父親也愛唱聖詩、想起父母的恩情，內心感到很溫暖。

 

我於是也想到，

 

這世上有那麼優美的讚歌、有那麼文雅的我的母語、有那麼多對我這個陌生人如此友善的兄弟姊妹、有養育我成人，那麼慈愛的父母⋯⋯，

 

這難道不是一種莫大的恩典？

 

我不是基督徒，然而我知道，像這樣感恩的體會，是一種近似宗教性的體驗，

 

就是所謂的「聖靈」充滿。

 

我是迷途的羔羊，是浪子、不成材的孩子；不過，我來到美國的第一個禮拜，就認識了很多愛護我的朋友、長輩，受到了許多關切和幫助。就算我仍未真正知道那賜予我生命和恩典，我感覺自己永遠無法真正了解的神，

 

至少祂已經讓我知道感恩。