燕仔遊樂場 此遊樂場正式於2005年3月20日開幕～ 成立目的是為慶祝本人１９歲生日～ 而且有好多感想想同大家分享下～ 希望大家可以在此盡情享樂～

72愛的鼓勵 1訂閱站台

 

今日整既麵包真係一個美麗的錯誤~

本來我一心係想整巨蛋牛奶麵包~我諗住用中種法去整~

點知d份量估算錯左~即刻翻下老師既receipe,

決定用蔓越莓堅果麵包既底~改一改~唔用核桃~全部用晒果乾~

順便清下d過左期無耐既蔓越莓, 係雪櫃擺左一段日子既糖漬橙皮, 仲有個杏甫(餘下一粒),

好多盒既提子乾(最多係佢)~

今日個中種都發得唔錯~唔知點解今日都發得幾順利咁~平時都覺得變化唔係好大~

跟住今日甩打麵團個陣都幾順手咁~

難道我已經累積到一定既甩打經驗? 還是我最近火氣大發洩有勁?

手打麵團既感覺不錯, 因為你可以確實feel到麵團係有生命既,

係搓揉個陣不時會有"滋"既聲音, 好明顯係酵母們活動既跡象~

我睇網路話酵母運作將澱粉分解為糖分, 放出二氧化碳~

但太多既二氧化碳又會毒死番酵母喎~so聽到滋滋聲係好事, 証明我幫佢排左d氣~

我比較like又甩打又揉, 除左費事嘈住屋企下下砰砰, 都可以俾麵團慢慢吸收牛油~

今日呢個打完都仲有點黏黏手~

原本諗住留番100g做老麵, 但係果乾咁多怕麵團食唔晒~

好吧~唔留lu~過左年再整舊新既~

成舊麵團加埋果乾成600幾克呀~~好重的說~

加左果乾會再黏d, so要再揉下佢等佢地吸收得好d~

甩打既時候發現今次舊麵團有好多小顆粒, 我盡量捏碎佢地,

可能係加鮮奶個陣奶有點太凍, 令到粉小結粒, 下次要注意~

淨係甩+揉都搞左成粒鐘~自己都不得不佩服自己可以作戰咁耐~

都係個句, 有麵包機的話請多用機器~用手真係好累~

跟住就係基礎發酵, 今次又係surprise我, 麵團係20分鐘內變大左好多~

跟住分割滾圓, 15mins後再整型~

今次桿成兩條長條型, 好有法國麵包feel~挺不錯的說~

跟住就等佢慢慢發大, 我就去煮好耐無食既出前一丁麻油味~~依家物價上漲, 想當年10蚊4包依家3.5一包~~

 

發左兩個半鐘左右吧~勁大條~

灑d高粉就可以入爐喇~

25分鐘左右就出爐lu~

 

今次乖乖地等佢放涼d先食~

估唔到切落去個刻好軟呀~

我仲以為好似豬仔包咁~點知比想像中軟身好多~great!

果乾好好味呀~~而且今次既組織都發得幾靚咁~

我食左差唔多半個喇~切左俾媽咪阿爸食~都幾不錯咁~

媽咪仲自己切多片~~(呵~~應該係好味先會咁做~暗爽!)

佢又係度話整呢d咪好lor~整餅乾好熱氣~~次次都係呢句~

今次上色深dd, 因為我好怕唔熟~我諗下次早少少出爐都ok~~

enjoy my breakfast tomorrow!

尋日睇到老師個blog話佢出左書喇~~係麵包既書~~

自己整麵包既時候都明白老師會鍾情bread多於cake~

有機會要睇下老師既書, 一定好正~~又可以偷師學野喇~~~