燕仔遊樂場 此遊樂場正式於2005年3月20日開幕～ 成立目的是為慶祝本人１９歲生日～ 而且有好多感想想同大家分享下～ 希望大家可以在此盡情享樂～

72愛的鼓勵 1訂閱站台

原來又默默地荒廢左個新聞台差唔多成年, 呢一年係FAUCHON實習再工作既日子,

真係經歷左好多, 一開始入到去咩都唔識, 法文又唔好,

好彩有台灣朋友帶住我做, 熟手左, 佢離開後開始不停PATE DE CHOUX既日子,

其實一開始都不以為意, 但慢慢發現真係日日如是係咁,

作為實習生, 沒什麼好抱怨的, 做就對了,

但到了正式工作都仲係咁, 難免內心有D失望,

ANYWAY, 一樣野由唔熟到上手到做得快, 慢慢睇到自己既成長, 我還是給予自己一份肯定~

即使呢一年真係做到既野好有限, 至少亦睇到唔少,

因為大店始終CHEF有好多版斧, 可以大開眼界亦不枉此行~

合約係上月月底到期,  但其實我月中已經FINISH左~

之後去左LYON幾日睇SIRHA, 回來後一直找工作, 又順便休息下~

原來習慣左忙碌既生活, 依家日日無所事事真係好唔慣,

好似做埋做埋D無聊野咁打發時間, 每日都留意住邊度請人就SEND CV,

其實好多未聽過既酒店或餐廳, 都照SEND,

希望可以盡快收到回覆~

之前見左兩份, 一份係MOF既, 機會渺茫, 因求職者眾....

另一份係香格里拉既實習, 原本覺得實習既門檻低, 而且可短暫應VISA所需,

可惜佢地係五月份先要人, 且我之後仲有兩個, 真係實習都咁多人爭, 唉~

所以其實我好迷茫,

若果搵唔到工既, 真係倒不如番歸, 留係度要花既又係一筆洗費,

報語言課程係錢, 房租生活開銷都係錢,

係巴黎呢種高消費既國度, 真係要為五斗米折腰~

雖然鼓勵自己仲未到放棄既時間, 但漫長既等待, 隨住時間逼近VISA到期日,

內心真係日日係度人生交叉點咁, 適逢又過年, 其實都好掛住屋企人同朋友~

巴黎大概已走遍了~熟悉到有點悶~

而我原來真係好難忍受一D重複又重複既日子~

所以希望工作快D蒲頭, 咁起碼人生有點寄託~

POSTCARD上寫上今年既TO DO LIST~

讓自己快樂也很重要~

俾工作呢回事搞到心情低落真係唔抵, 也許真的要定一個時限,

咁唔使無了期去等, 先知下一步該如何走~

聽日係年三十晚, 一般應該同屋企人過, 食個湯圓, 今年我又係巴黎, 好彩聽日都可以去朋友家打邊爐, 至少唔使一支公咁寂寞~

在巴黎, 還可以做什麼呢?

我的人生好像真的除了甜點外, 也找不到什麼了~

今年應該係可以好好EXPERIENCE既一年,

我相信仲係值得再努力一下下~

新年快樂!

最緊要快樂~

其實睇番以前既文章真係幾搞笑, 我真係一個幾識氹自己既人~

有時阿Q一點也不錯~咁人生都會開心D~

好~快D俾我聽日接到電話喇!!Please!!