燕仔遊樂場 此遊樂場正式於2005年3月20日開幕～ 成立目的是為慶祝本人１９歲生日～ 而且有好多感想想同大家分享下～ 希望大家可以在此盡情享樂～

72愛的鼓勵 1訂閱站台

 
今個禮拜日既精心傑作係蔓越莓戚風蛋糕,

呢一個月又去美國又去香港, 好鬼忙~都係今日搵d時間出黎整下蛋糕調劑下~

其實想整d係要雪凍既,

耐何心愛的芒果太濕熱會刺激唇邊的痱滋,

而且屋企個雪櫃真係逼爆orz, 無得雪~

so都係焗番個蛋糕算吧~

今次用既蔓越莓係美國買番黎既cranberry(紅莓), 原來我一直搞亂蔓越莓同覆盆子喎~

蔓越莓係cranberry, 覆盆子係rapsberry, 呵~仲以為係一樣既添~傻婆~

唔知點解覺得美國買番黎既蔓越莓同平時用開既優鮮沛有d唔一樣,

兩集牌子美國都有賣, 味道有差~

d莓用果汁浸一個夜晚, 就由超乾身變成超濕潤~正!

其實老師既食譜係用rum酒去浸, 奈何我又唔想晒錢去買支酒, so用果汁浸也蠻不錯的說~

今次用既中空模型都係拜託古古幫我係台灣帶番黎既,

唔知點解澳門好少見到呢種活動式既中空模,

一係就成個中空型而不能活動既, i don't like it~

so等到古古幫我帶番黎既呢個模, 實在係如有神助, 戚風事在必行~

用呢個模同平時既圓型模最大不同之處係中間個中空管,

因為蛋糕係烘焙個陣會不斷升高,

若果中間條管越高, 佢可以攀上更高峰,

but今次我買呢個條管唔係好長, 但我焗個陣個蛋糕體都可以升高過條管, 真厲害~

奉勸各位有錢既可以買日本製既中空模, 仲靚仲長,

同埋中間有條管係度就比較快熟d咁lor~

量好晒材料, 分蛋分得靚,

整好蛋黃盤再打發蛋白, 混埋一齊加埋蔓越莓就ok, 送入焗爐(切記預熱)~

今次我比較傻既地方係個架應該set低d~

今次擺左係中層, 個蛋糕越黎越高我又蓋唔到錫紙,

so 我切走左表面好多燶既地方~

仲有出爐個陣倒扣, 我係屋企見到個紅酒樽抹乾淨試下, 點知岩岩好, perfect!

屋企人都好好奇個蛋糕唔怕跌落黎咩~

哈~條中空管就係咁既用法架嘛~唔怕~

接著飲埋個茶番黎脫模~雖然表面唔多ok~

but一反過來就好完整好靚仔喇~

so重點係脫模個陣要小心d哦~

忍唔住食左舊喇~

正! 好like d 蔓越莓焗完仲咁濕軟, 成個蛋糕都係果汁味道~

I like it!