燕仔遊樂場 此遊樂場正式於2005年3月20日開幕～ 成立目的是為慶祝本人１９歲生日～ 而且有好多感想想同大家分享下～ 希望大家可以在此盡情享樂～

72愛的鼓勵 1訂閱站台

今次整菠蘿包既經驗真係令我獲益不少，

而且有個勁重要既結論: 麵包的好壞，在於酵母～

尋日興沖沖萌生起想整麵包既念頭，基於上次既貝果硬到我要牙痛睇醫生，

ｓｏ真係好一陣子無整麵包～

咁難得心血來潮，就坐言起行喇～

每個步驟都好認真，打麵團什麼的，天氣轉涼整麵包真係唔太適合，發得較慢，

估唔到最後發酵個階段發左3，4個鐘都唔係咁好，

點知一焗完出黎，表面既菠蘿皮都算酥脆，

但係個麵包外皮有點硬，一切開見入面竟然唔熟，

以往既經驗正常20分鐘左右會熟架ｂｏ～同埋會比入爐前再脹大～

ｂｕｔ今次好奇怪，於是再送入焗爐都係唔熟．．．．滴汗～

搞到尋晚心情好ｄｏｗｎ，即刻上網睇下其他網友既分享～

對酵母既特性都了解左好多，

大約係３０度左右係最活躍，遇冰水就會休眠，發太耐既話酵母又會俾自己釋放出黎既二氧化碳殺死，ＳＯ要有排氣滾圓，再整型既步驟～

我檢討過可能係自己用左凍既牛奶，但都無理由一Ｄ發既跡象都無，同埋我都試過將佢地放係開左一陣預熱後熄左既焗爐入面，等佢可以發快Ｄ，但都一Ｄ氣息都無咁～

咁最有可能就係酵母出左問題，

一大早我出去買一瓶新既酵母，

將新同舊既分別用少少水開下，

左邊係舊既，右邊係新既，

結果好明顯，舊既酵母幾乎都唔溶於水，仲有好多粒子，聞起黎好似泥土味咁，

但新既酵母係一下水成一Ｄ小球，然後慢慢溶到乳白色咁，聞起黎係我唔識形容既臭味，

真係立竿見影，原來尋日失敗既原因係酵母失去左活性，可能係前排太熱，我應該擺佢入雪櫃，不過有網友指出Ｄ酵母開左保存期大約半年左右，屈指一算都差唔多夠時間～

SO今日再接再厲，再整一次～吸收左昨日既經驗同埋網友分享心得，

今日整起上黎好好多～好明顯feel到Ｄ酵母好active，基礎發酵個陣就有一股香味，

應該係酵母同麵粉入面既澱粉作用，有糖既甜味，切開會見到有ｄ孔洞～

 

接著打麵團都feel到佢既彈性，仲排左好多氣添～哈～

另外今日既菠蘿皮係高粉40g, 低粉20g, 試下效果如何~尋日既係兩樣都40g, 放到今日硬左d~

可能真係唔使加咁多粉~

仲有今日發酵既時候我都係放係焗爐入面, 下面放一小碟熱水, 旁邊放一小杯熱水~

提升酵母足夠既溫度同濕度~so今日都算發得幾快~hapi~

呢個方法真係幾不錯~

第一幅圖係昨日既菠蘿石頭,

第二幅圖係今日既菠蘿麵包,

兩者擺埋一齊, size真係有差, 我媽咪尋日仲問我你係咪整迷你菠蘿包, no!

正常係好似右邊呢個發到咁大架!

趁熱食左一個~不錯吃~菠蘿皮可以再參考下人地個d, 個人覺得唔夠甜~

但都幾好味~同埋總算係自己唔放棄再去嘗試既成果,

我阿爸都好支持我, 話再研究下喇, 問下朋友咁~

我阿媽就叫我放棄麵包, 整番蛋糕算, 朋友收到蛋糕都開心過收到個1,2蚊既麵包,

經過今次整麵包既經驗, 如果有人肯手打麵包俾我食, 真係娶得過~呵~

同埋一邊整一邊覺得個包好似麥兜入面既菠蘿油王子個頭~哈~都幾得意~

有時蛋糕整得多, 都想整下麵包, 始終自己整健康又好味~

同埋蛋糕越黎越多人識整lu, 手打麵包既人都唔多, 有台機器就方便好多,

親手打到手勁痛, 打到隻手都覺得唔發都算數既時候, 個麵包真係特別好食,

大家得閒都整下麵包交流下喇~