燕仔遊樂場 此遊樂場正式於2005年3月20日開幕～ 成立目的是為慶祝本人１９歲生日～ 而且有好多感想想同大家分享下～ 希望大家可以在此盡情享樂～

72愛的鼓勵 1訂閱站台

WOWOWOWO~

我真係超懶, 12月18日咁重大既日誌到今日先黎寫~

今個月初係報紙見到有藍帶大師既示範課~心郁郁又膽粗粗咁走去報名~

好擔心同學仔太PRO自己好無用咁~不過為左一睹藍帶大師既風采~

衝吧~GOGOGO!

一大早就要行條奪命山路上山~氣來氣喘咁去到班房~

一見到老師一整個變左小學生咁~

而IFT會有老師做中文翻譯, 另外藍帶都黎左一位MARKETING既工作人員黎PROMOTE D產品同埋世界各地既藍帶學院COURSE!

 

今日會學四款甜點~

有翻面焦糖蘋果塔, 巴斯克蛋糕, 櫻桃古古力慕斯蛋糕, 布列塔尼酥餅伴青蘋果雪葩 (大約記得個名)

由慕斯CAKE開始, 中間各款蛋糕穿插一下,

要係3個鐘入面做好晒四款, 老師應該訂好晒個順序, 真係無時無刻都做緊野,

當然ASSISTANT係隔離幫手都好忙~

四款入面我最留意係蘋果塔, 因為以前係藍帶既書入面有見過,

加上自己又好鐘意用蘋果黎做甜點,

老師教左兩種唔同既方法去做呢個塔,

出黎既成品都各有不用~

其中一個老師全部用晒青蘋果, 好JUICY不過好酸> <

但另一個夾雜左青紅蘋果既入口較澀, 唔多鐘意~

SO如果自己在家試做都會先煮焦糖再焗蘋果咁做~

仲有, 老師話做塔皮個陣要好似對愛人咁, 用手搓個陣要好溫柔咁拌合成團^^

而巴斯克蛋糕都會係下午要實作做既, SO聽課緊係特別醒神!

我覺得原理上同奶油蛋糕好似,

不過係份量同比例有D唔同, 呢款蛋糕既麵糊更加黏稠,

SO可以放入唧袋咁唧係模型入面烤~

先唧好個底同周邊,

中間再加車厘子既CUSTARD CREAM, 再唧埋個面, 劃埋花紋就可以烤!

老師話要烤個色深少少先出爐~

一出爐又係一整個超香~有CUSTARD CREAM係中間真係好正,

不過中間夾雜左一D紅色藥水味既車厘子個味有點難頂我自己挑走左~

 

而古古力慕斯CAKE呢個都唔會好難,

而更令人估唔到既係食完四款, 我覺得呢個味道最好~

仲好適合做生日蛋糕添~好簡單既裝飾已經好靚~

 

最後個布列塔尼酥餅伴西梅&青蘋果雪葩~

先做左雪葩先, 但可惜雪葩機今日唔係好聽話, 只係有沙冰既效果,

不過個酥餅就咁食都好味~

先做好餅底拎去雪再做杏仁CREAM, 放入模型再加西梅, 灑D開心果碎就可以焗~

而重點係上面裝飾既"春卷皮",

老師特登係法國度拎過黎架~應該係一D已經製好既冷凍酥皮~稍為焗到佢上色同脆身就OK~

一配上個甜點度整個FEEL唔同晒~

 

本來中午係要自己出去食中午既, 不過IFT既老師好貼心咁準備埋午餐~

呵~第一次係廚房入面既一張長枱, 當係飯枱咁一齊食飯~感覺不錯~

而不得不讚既係IFT既食物真係有一定水準, 好掛住個羊膝, 燉得好軟身~

我見D同學仔就拎一大隻架, 不過我唔敢食太多, 仲有牛腩都好好味~

老師仲整番熱尋日示範課上既鵝肝, 俾大家搽麵包食, 真係好口福又有食神喇~

仲有紅酒可暢飲, 真係勁! 呢一堂真係超值到不得了~哈~

係飲飽食醉既時候, 同MARKETING既經理傾左幾句, 問左一D關於個COURSE既野,

佢留左咭片俾我, 話報名可以直接CONTACT佢~

而有同學仔已經打算明年六月去PARIS或者LONDON既藍帶~WOW~好羨慕呀~

我都要努力存多D錢呀!!

下午就係實作課, 都確實幾緊張咁~不過幾個人一組SO都唔怕太孤獨既~

有時上堂覺得可以識到志同道合既朋友都幾好, 可以互相交流下又可以合作整蛋糕~

我地做既份量係RECEIPE上既DOUBLE, 先可以做到三個模, 一人一個~

SO係搞麵糊既時候, 真係九牛二虎之力, 同同學仔輪流咁搞下先掂, 最後都要交俾機器幫手~

仲要唧入個模, 又要整CREAM, 三個人好忙咁~真佩服老師一個人仲係不慌不亂~

不過大師話我地個CREAM太濕稀左D~好吧, 下次唔咁貪心倒晒D糖水落去~

係等個CAKE出爐既時候就同大師合照下, 俾件圍裙老師簽個名~

其實有本藍帶書好想買不過當日帶唔夠錢~~當日買既話老師會親筆簽名加提字添~

我地個CAKE有點裂開左, 老師話應該係搞打既時間太耐,

OHOH~咁係屋企練習個陣真係要小心D~

我地問老師點知個蛋糕熟左~因為佢無用探針就咁目測~

老師話: EXPERIENCE.

果然係大師, 一切都係講經驗, 咁又係, 以前台灣老師都話爐溫時間好難有標準,

個個烤爐都唔同, SO真係要做多D累積經驗~

 

今日真係收穫好豐富既一DAY, 仲有張証書添架!

 

真係好開心又充實既一日~~

得閒有時間要係屋企實作下先得~

聽IFT既老師話明年八月份又會有示範課~要等咁耐~~

BUT可以既話我一定會再報名架!

OR

MAYBE

SEE YOU IN PARIS!