尋晚係2009年既最後一日,
係倒數前夕, 我訓著左~
差唔多半夜兩點鐘先彈起身~見到阿牛send黎既msg, 佢問我仲記唔記得當年係台北街頭互send sms跨年~~
其實唔係好記得lu~
對我黎講, 過年好似過日咁~訓著左就咩感覺都無~
千嬅到左30歲之後覺得人生係度倒數緊, 我依家都有呢種感覺~
電視都好like搞d 2009大事回顧~係fb都見到有fd會po佢地既回顧~
2009真係好複雜既一年, 開心與唔開心既重量差唔多~
我記得年頭既我仲係一直處於好討厭份工既狀態, 好想辭職番美國, 每日番工既感覺都好差,
好悶, 多野個陣又唔想做, 又成日上facebook同雅婷傾好多工作上唔開心既事~
上司既更年期真係令人好無奈~只好背後咒罵加埋無限寬容~
二月份fair開始前, 我第一次試寄雙掛號既信, 最終個封信同收條一齊番番黎,
繞左地球一個圈, 飄洋過海, 終點又番黎我個度~有d野都係要親手交過去先得~
三月份為左烘焙展同埋港澳之夜, 絕對值得地飛左去台灣一趟, 此行係十分之趕,
時間好唔夠用咁~不過見到好多想見既人, 又行到夜市, 買下衫食下野, 踩下單車遊校園,
好似重溫緊大學既學生生活, 此行之後, 我覺得自己應該會有一段時間唔會再番黎呢度~
生日有大家陪我慶祝, 好開心~難得齊人既感覺~
四五六月既好掙扎既幾個月, 我同屋企人為左去美國一事嘈得好唔開心,
份工錢少受氣都唔知點解要咁委屈自己,
但好多時就係機緣巧合既問題, 我仲留係呢份工~
明明個陣成日袋住封resign letter, 仲見到n個人封letter同自己個信版一模一樣而驚嘆不已~
我始終無遞到.
七月底, 八月頭, 我請左兩個禮拜假, 一個人飛左去美國~算係一種折衷~
今次番去fair既感覺好唔同, 而我自己既角色都令我覺得自己無辦法再走入呢個世界~
要我再企係個金魚攤度做十幾個鐘, 我可能會客死異鄉~><
真係諗下都得人驚~
fair呢個小社群, 又南非人, 又墨西哥人, 又美國人, 中間好多愛恨交纏, 爾虞我詐~
後來聽肥欣講番都覺得好似做戲咁~
咁岩我番去呢段時間肥欣病到死死下, 真係唔知佢陪我定我陪佢~
始終係個個環境底下病, 營養又唔好, 真係好辛苦同好難好番, 我前兩年都體會過,
臨走前都仲好擔心佢~好彩睇左醫生打支針好好多, 可能美國病真係美國醫生先搞得掂~
番到黎初期我好後悔無留係fair耐d, 成日好掛住個邊~不時打電話, send msg咁~
在熬過一段寂寞既時光, 我覺得自己慢慢成長左, 都睇清左好多好多~
人生應該要向前走, 珍惜現在, 俾自己一d精神寄託, 小目標, 大夢想~
雖然好想求求其其咁過活, 不過人生係要用心去過先會有意義, 如果唔係同等死無乜分別,
睇番好多朋友拍拖, 成親, 生兒育女, 每個人都有自己既生活, 自己既路, 我應該有我想做既事.
九月份要由皇朝搬去旅遊塔, 一開始我內心係唔多鐘意, 覺得好麻煩, 所有野要重新適應,
but我覺得呢個轉捩點係好事, 令我離開皇朝辦公室個四方牢寵~
係旅遊塔可以free style, 我好耐都無著過套裝番工, 係辦公室可以大聲講野, 仲粗魯左~
我講"食屎架!"嚇親左個am, 唔好意思, 我會收斂番淑女番d~^^
至於我個煩上司佢簡直係大解放, 可以無法無天, 日罵夜罵, 鬧到拆天,
唔係鬧我, 佢有其他target要鬧同埋有其他人煩佢就唔會黎煩我, 我心存感激~
好開心與mk, c9&cow係西灣橋底既小聚片刻, 可以好舒服咁分享大家既心聲, so warm!
十月份肥欣番黎~開始搵工既生活, 而我都陪佢一齊開展投考政府工既生活,
後來幫佢介紹左公司既一份客戶服務工作,
其實好怕佢接受唔到輪班, 同埋個位流動量咁大, 驚佢唔適應唔鐘意好快走~
好彩見佢依家都仲頂得順咁都心安d~
五星係hk既唱k時光, pillow talk, 行街買衫, 真係好hapi~仲累到一上船四個訓死晒~
阿婷都有來訪下macau~齊齊行下澳門, 睇煙花, 唱夜k~實在太crazy~
十一月簡直係開行個turbo同日文作戰, 為左佢咩都唔學, 放工就係屋企睇電視溫習,
重溫日文既感覺真係唔容易, 仲有好多part要睇書自學番~
聽力個part真係驚到無朋友, 真係完全聽唔明講緊乜, 由於有英文listening既陰影,
日文既聽力都係好心虛~真係勁虛~
十二月係好busy既一個月, 本來好想聖誕節期間去一趟台灣, 但係機票太貴so放棄左~
同埋唔知點解我唔想聖誕佳節一個人係台北街頭渡過, 我選擇留係屋企休息下~
月頭考日文三級大作戰, 真係好得人驚~希望會過~
其實依家內心覺得自己係過左, 唔敢相信自己過唔到~唔好係三月份先同我宣佈噩耗~
我只想聽見喜訊~
接著就係百萬行, 今年霸位企到好遠, so等左好耐, 真係俾佢折磨左成日~
接著就係dome event, 第一次加班加到夜晚一點~shit~第二朝仲要6點半爬起身去番工~
接著就係christmas event, 又折騰左一日, 雖然送禮物俾老人家又真係幾開心, 部門聚餐又抽到
支lotion, 仲有機會遊雲成個旅遊塔, 第一次入去廚房既感覺好有趣, 如果將來我要係呢個環境
工作, 真係可以嘛? 還是只係坐係電腦面前打打字便好~有一點疑惑~
聖誕假休息下幾日, 好正, 日日訓到9點幾10點~
最有意義就係去氹仔踩單車, 健康下~
美國番黎之後, 愛上左實習醫生格蕾, 依家停左, 有點可惜,
最近鐘意睇下一站幸福, 勁正~第時大陸出dvd可以考慮買番套收藏~
最近覺得蕭敬騰唱歌好好聽, 以前將佢歸類係楊宗緯, 其實佢地好唔同~我真係想睇佢既演唱會~
第五屆星光大道既冠軍孫自佑真係唱得好正, 佢出碟我會考慮買~
偶爾約三星一齊去睇電影, 感覺也很不錯, 哈利波特, 17again, time traveler's wife,
希望來年有好戲可以再一齊欣賞~
今年最遺憾既事係我部電腦突然死左, 我唔見左好多好多相, 好多好多回憶, 唉~
算吧, 向前望好了~
人生中得到的, 錯失既好多, 開心既, 唔開心既好多, 不能在意大多~
感謝陪我渡過2009的人, 希望2010我們都在~
We shall overcome someday!
文章定位：
