燕仔遊樂場 此遊樂場正式於2005年3月20日開幕～ 成立目的是為慶祝本人１９歲生日～ 而且有好多感想想同大家分享下～ 希望大家可以在此盡情享樂～

72愛的鼓勵 1訂閱站台

由新年假期一直到依家天氣都係多雲有雨寒冷警告ing~

唉~心情同天氣一樣都係咁陰霾~一整個提不起精神咧~~

放假既時間就算hea都過得好快咁~每一日都只係想可以訓晏d,訓晏d,訓晏d~

奈何一番工就要晨咁早起身~我發現自從無阿爸車要早起後既我超唔習慣~

每日番工早上既心情都係偏差........頂~~人多車多大人細路阿伯阿婆都係呢個時間出沒坐同一部車~真係感激我遇見~

呢幾日睇報紙講起好多過年注意健康既point, 例如叫d人唔好食咁多,

要注意食番蔬果之類的~仲提到一樣係心理健康!

哇~依家心理意識真係抬頭!!當中提到一樣野叫做季節性憂鬱~

多數係冬天發生既~記得以前大學個陣都有讀過一小段有關既文章~

依家真係身同感受~好在病癥都唔係好嚴重~頂多係口痕成日食野~

同埋無咩元氣又唔多想見人或俾人見咁~仲要無乜人生目標或計劃咁~

睇黎我要再blue多一陣子, maybe一直到見到太陽先至會舒服d吧~

今年虎年驛馬星動, 好岩去外地發展~運程呢d聽下就好, 上年夠話紅鷥星動都無聲氣~

so都係搞掂自己先算~

最近好鍾意擠野~本來想擠個牛油曲奇, 點知牛油太硬擠唔到~

後來擠朱古力曲奇使出吃奶之力!!並發現自己真係擠上癮!!!!!!

用開既擠袋太薄好易穿~所以試下買daiso個d睇下效果如何喇~

曲奇真係好邪惡~小小一塊藏住5g~7g牛油~兩塊已經係一日既quota~

又加埋忍唔住食買回家的藍罐曲奇~肥都唔係無因由既~

而包包就愛上整法國麵包~係屋企手打真係唔及得上老師用機打~

搞到我都好想買台機!!不過出爐個刻外脆內軟, 真係正!!

而且又係好plain & simple既味道~i like it~