燕仔遊樂場 此遊樂場正式於2005年3月20日開幕～ 成立目的是為慶祝本人１９歲生日～ 而且有好多感想想同大家分享下～ 希望大家可以在此盡情享樂～

72愛的鼓勵 1訂閱站台

搵左好耐張POSTER相都係好細張咁~

尋晚同婷婷去睇胡桃夾子既芭蕾舞劇目,

放工好黑仔地等左40幾分鐘先有車去到皇朝,

接著冒住暴風雨咁去到PIZZA HUT, 兩個人食個細批再加碟雞搥真係幾飽,

呢個份量三個人岩岩好~SO我地打包左兩件去到會場個邊~

行到門口見到有人奔跑上去, 我地都加快步伐, 爬上文化中心就見到好多人喇~

入到場仲有少少時間, 我記得買飛既時候旁邊既位置係MOP180, 真係一位之差~

我同婷婷個位係平MOP60, 差一兩個位真係有差嘛~其實內心密謀緊佢地唔黎既話可以坐過去~XD~

一開場見到D佈景版真係好靚, 同埋佢地既服裝都好俾心機去整做吧~

一整個很有FEEL的說, 開場宴會舞好有民族舞FEEL~

第一次欣賞芭蕾舞真係覺得好厲害, 佢地用腳尖承左全身既重量,

表情仲係十分好開心, 而且身體姿勢優美而有力, 真係好勁~

我係度諗IF以前細個我都去學下, 可能成個人D氣質會逼晒出黎吧!(依家既氣質比較內斂)

但其實未睇過場刊就咁睇, 全無語言對白, 只有音樂同舞蹈, 有D位唔係好明,

BUT睇得出胡桃夾子俾個男仔整壞左令到女主角好擔心,

而女主角真係好鍾意呢個公仔, 爛左都仲係抱住佢一齊訓著~

然後好突然既中場休息, 20分鐘, 大家都下左出黎…………

好吧, 當係休息下, 仲去出面個佈景板度影下相~真係D修養當堂提升左不少~

接著第二幕D老鼠兵出黎同埋胡桃夾子出場~

我幾鍾意D士兵VS老鼠兵既舞蹈~幾得意咁~士兵操兵動作又舉槍, D老鼠兵又好搞野, 有一下係一個老鼠兵訓身跳過去, 俾幾個老鼠兵接住再滾落地,

我內心嘩左一聲, IF佢跳太過既話會跌落地, IF佢既同伴無接住佢都會跌傷,

SO彼此之間真係要好信任同埋好有默契~

咁當然最好睇既係胡桃夾子消滅左老鼠王然後同女主角共舞喇~之後仲要坐手推既天鵝走添~真係詩情畫意到一個頂點~

跟住又一個20分鐘既中場休息, 又一大個下左出黎,

第三幕係去到糖果王國, 大家都好開心, 一齊跳舞, 好整齊好靚, 每個人都跳得好好~

男女主角依然係重點~佢地共舞真係好靚~

跟住有唔同PAIR既人出黎跳, 查實跳得好正, 不過拖太耐有點悶~我都查實有點眼訓~而最終佢地都係要送別女主角~

接著最後一幕暗燈既時候, 舞台好大聲咁蹬左一野, 唔知發生咩事~

BUT都好順利咁完成左成個表演~真係好正~

睇完成個SHOW仲可以去同演員影下相相添~

不過最期待既主角無出現到, 真係可惜~佢地一出實哄動~

而我地都發現現場真係好多外國人, 坐我隔離個兩位, 前面後面都有, 仲有日本人,大陸人添~呢個劇目真係好受歡迎呢~

IF今年再有仙履奇緣既話, 一定要去睇呀!!!