燕仔遊樂場 此遊樂場正式於2005年3月20日開幕～ 成立目的是為慶祝本人１９歲生日～ 而且有好多感想想同大家分享下～ 希望大家可以在此盡情享樂～

72愛的鼓勵 1訂閱站台

呢個蔓越莓scone係上個禮拜心血來潮整既~

今次d莓沉過果汁~so烘完都唔怕乾~

整既過程有d雞手鴨腳咁~因為唔敢太大力拌, 怕佢出筋會變韌~

最後加d莓同果汁入去個陣, d果汁顏色分佈有d唔均勻~but烘出黎個味道無乜唔同~

焗呢個既感覺就係唔知佢幾時熟咁~明明都焗左成30分鐘~但切開既時候入面有d濕潤既部份,

而唔係全乾既狀態, 實在有點擔心~but都因為佢有d濕咁, 偏軟, 適合牙痛既我~

唔知點解佢係都無我想像中發好高咁~or發到中間有裂痕~焗前焗後個size差唔多~

最搞笑既係我諗住見下面上色左, 就想關左下火淨開上火咁~

點知揀錯左mode, 關左上火開下火, o嘴左...............可能個d濕潤既原因係咁吧~哈~

呢個點心真係幾襟放~4,5日室溫咁擺都仲食得~

建議熱吃好味好多~so食之前再焗5~8分鐘熱下佢~正!

我禮拜六既早餐食埋最後3個~熱吃真係好味好多~平時拎番公司當下午茶無咁好味~

後來有睇下網友整呢個既方法, 佢地牛油係切塊咁, 唔係打勻既~

同埋佢地加好多泡打粉, 唔知點解老師既配方泡打粉好少~

傳統既scone係切成三角形既, 可以睇下上年台灣starbuck推出呢款scone造型真係好靚~

我都要加油下先得~

至於下面既貝果真係失敗左~因為未發夠兩倍就好心急拎去焗~唉~

同埋貝果真係第二日好食晒, 如果唔係會好乾同好硬~

呢個貝果搞到我心情差左~短期內都係唔想整麵包住~

p.s 黑色個d係poppy seed, 唔係黑芝麻, 我係美國買番黎既~

終於入到主題,

近日我屋企人話要買樓, 唔知點解我無乜興趣, 佢地叫我一齊去睇去幫下眼, 我都懶得去~

反正唔使我供唔使我出錢, 基本上佢地買邊咪買邊~我就係置身事外~

今日mum就話brother之前叫我供埋一份係講笑, 話之後我買既都會俾首期我, 一視同仁咁~

我brother佢係咪講笑就唔知, 我都無興趣理, 我有瓦遮頭就得~

同埋佢地日日係度講又計錢又呢樣個樣, 勁煩~唔該佢地快d結束呢個話題~

唉~都係細個個陣好, 乜都唔使煩, 咩錢銀呀, 咩買樓呀, 淨係顧掂讀書就得~

至於番工個度, 我真係越黎越鐘意駁嘴, 中學個陣禮貌個欄得c都正常既~

話說某間公司急住請一個post, 個candidate係我地hr做左1st in~

我地send佢既cv落site俾operation做2nd in, 點知operation contact呢個人既時候佢已經搵到工,

咁唯有send番份野上黎,

我個煩人上司見到份cv, 邊睇邊話: 呢個人都幾好丫,點解會搵左工架?

我係佢隔離, 就話: 咁你都覺得好, 佢搵到工都好正常丫~

煩人上司停頓左一下, 尷尬咁話: 呵~你真係衰架~

其實呢d情況好多, 我只係間唔中發表一下意見~我真的不是寸, 太悶而已~

so blue~