燕仔遊樂場 此遊樂場正式於2005年3月20日開幕～ 成立目的是為慶祝本人１９歲生日～ 而且有好多感想想同大家分享下～ 希望大家可以在此盡情享樂～

72愛的鼓勵 1訂閱站台

 

話說呢幾日聖誕節放假,

除左係屋企度焗下麵包蛋糕, 再做下無聊野HE下時間之外,

最有益身心既莫過於去左氹仔踩單車,

禮拜六個日下午天氣都算唔錯, 陰陰天咁有點涼風, 無落雨~

都幾適宜出外去做下運動~

睇住呢福相又諗起以前係台灣經常踩單車既日子, 仲有親愛既小J~希望佢依家有個更好既主人喇~

講番呢日我著到一身藍, 連個袋都係藍色既~仲襯埋部藍色既單車真係一絕~

氹仔真係變左好多好多, 以前都唔覺, 但隔左十幾年番黎呢度租車BUT感覺完全唔同晒,

連租車既地方我都唔係好認得, 好彩得朋友帶路,

就連今日既行車路線都同小時候既記憶好唔一樣~

因為賭場太蓬勃, 我地既路線可以話係繞住威尼斯人一圈咁, 全程約1個半鐘,

因為要踩下停下又推下車影下相, SO唔經唔覺踩左咁耐,

師奶非常熟煉既身手, 加上有佢帶路安心好多, 同埋重點係D威尼斯人發財車既司機都認得佢, 可見佢真係好受歡迎咧~~~~

而阿牛就踩得較辛苦, 不過聽到佢講話好開心~踩到後來佢已經純熟左好多~

中間有斷路無乜車, 我仲可以好悠閒地漫踩同埋唱下歌添~超舒服~

係威尼斯人外面既個片紅樹林, 第一次咁樣望過去, 真係繁榮背後既一片荒地~

一開始我地有經過龍環葡韻個邊, 原來有花展, 好多人, 後來聽講係鬱金香花, 政府特登催熟佢地係寒冬盛放既~

一講到鬱金香花就諗起SEATTLE既花田, 睇過好多相都好靚~BUT仲未有機會去親身睇下~

尋晚聽阿盈講佢都想去更多唔同既地方, 而唔係一味番去台灣,

我都頗有同感~~

好想去探索更多唔同既地方呀~