前日，好早就食完晚飯，所以九點幾就可以訓番一陣至上網。點知訓訓下突然間收到阿 Paul 既電話，在完全冇心理準備之下同佢傾番前公司既人同埋事﹗
佢話佢而家寄左信去 Disney 應徵，都係關於番電腦既野，佢本身去過澳洲讀書，所以我覺得佢會得既。傾傾下講番前公司既衰老闆，佢話原來細佬都係走左之後猛咁彈佢差。不過細佬剛剛又冇得撈喇﹗因為佢公司當初請多幾個揀人用，點知佢就咁樣 Fade Out 左。而家都搵緊工，真陰公。其實仲有好多野講，不過唔係度講喇。
之後提左 Replace 我個位既原來係個四十幾歲既女人，仲要係前老闆既親戚添呀﹗咁阿 Paul 咪話我好好多囉。因為佢樣樣搾到正，又同 Rita 姐講不嬲都係咁樣做野喎，咁阿姐咪串番佢入左黎做幾耐呀，咁樣同佢講野。而且好似大部份舊人都唔係好鍾意呢個女人，做野又慢，又樣樣講原則。我聽到覺得好好笑，有種置身事外既感覺，但又覺得佢地班舊人好慘。
因為阿 Paul 一向都唔鍾意 CP 仔既，咁佢咪猛咁問我係咪覺得佢好衰呀咁，我都冇正面答佢。不過講開就順便問下佢既近況啦，原來佢而家既 Order，佢老闆夾硬要佢分出黎俾另一位 Sale (Replace 細佬0個個女仔)，搞到 CP 仔好唔開心，因為佢會賺少左 $$ 嘛。我重以為佢會開心添，因為有個女仔同佢一齊做 Sales 喎。不過阿 Paul 話 CP 仔好似講過：唔好俾佢知道我轉左工，知道既話會打電話黎鬧我咁話喎。我冇同佢講近況之嘛，我知道仲爭佢一餐（因為最後一次見佢就係去酒樓食飯，最後仲要佢請我地成班添，唔記得就睇番之前既日記），咁駛唔駛咁惡呀。不過呢句我而家諗番覺得佢有少少逞強，唔知想掩飾 D 咩野咁。搞到我本來唔想當佢生日時（1 月 23 日）Send Message 俾佢，搞到而家不如試下 Send，睇佢有咩反應都好。
總之講下講下，搞到阿 Paul 決定要轉工，因為佢覺得真係唔可以再屈係度。原因係我同細佬都不約而同地講左一句：佢呢間公司只不過係一個水泡，當你生活好唔掂，好等工返時，你至好搾住呢個水泡，不過呢個水泡係漏氣既，只要越用力捉緊時（即係越努力付出）就會越沉得快。如果有其他水泡，就真係唔好要呢個，只會係咁 Die，旨意佢份人工生活就聽搾兜。不過我都係同佢講番要做夠兩年至好走，始終好 D 既﹗咁終於講左一個鐘頭之後至收得線喇﹗
知道又點呢，我都唔想再諗佢。但突然聽番個名，不期然又會記番好多野。搞日本之旅已經好煩，無端端又要記起呢 D 事，真係討厭加討厭﹗
文章定位：
