今次日本之行大家都知道我好窮，成日都呢度慳 D，0個度慳 D，又唔敢去街添。
因為去日本洗費大致如下：大阪民宿 21000 Yen ﹐東京民宿 28000 Yen ﹐大阪->東京巴士約 10000 Yen ﹐出部電話聯絡 Miss 同媽咪 10000 Yen。呢度就已經五千幾蚊港紙嘞，重未計三餐同車費呢﹗真係名乎其實：苦學生﹗
呢幾日同 Joey 傾電話，因為佢決定同佢男朋友 28 - 31 號自由行去東京玩﹗咁咪問我關於東京好多野﹗佢今次可以住池袋之家，即係我同小藍上次住0個間﹗不過而家諗番其實佢本身間民宿唔近地鐵站，都唔係咁方便，所以今次我試下間新野，睇下會唔會好似上次咁要講番句：好住到痺﹗至得﹗哈哈﹗傾傾下，Joey 講原來佢公司有日本手機可以借俾我用，淨係需要買電話卡就得喇﹗好喇，可以慳番 6000-7000 Yen 。
而家諗緊，好唔好去東京時搭夜行巴士走，到第二朝去到東京，咪可以慳番一晚住宿費 4000 Yen，又唔會浪費左一日，因為都要成七個半鐘頭至去到新宿，重要轉車去淺草（今次住係淺草，一間叫做青春之家既台灣人開既民宿）。但係又好危險喎，夜媽媽一個女仔搭夜行巴士。所以都係唔好慳呢 4000 Yen 好 D 喇﹗安全最緊要嘛，我知喇﹗
剛剛聽到新聞報導話美元兌日元升番 103 ，應該係大約兌番港紙 7.4 度，希望呢幾日真係再升番啦﹗又好希望 Miss 個老豆會俾利事我就好喇﹗話晒我生日都係大阪啦﹗去旅行去到好似我咁真係嗚… ′﹏‵
文章定位：
