擾攘左成兩個禮拜既日本之行，終於在昨日買左機票而正式落實喇﹗哈利路亞﹗
同老細請假時個心卜卜跳，驚死佢唔批俾我，佢仲要唔係即刻簽俾我喎﹗不過佢只係睇下我走既呢段時間有冇貨會返，點知一係走之前返，一係返黎之後至返，咁老細至肯簽俾我咋，哈哈﹗跟住臨通知小敏豬可以交得錢時，突然間心血來潮問下阿媽我個 Passport 有冇過期，點知…我係過左喎﹗嘻嘻﹗
因為我一直都以為係 07 年至到期，冇諗到添﹗咁即刻打電話俾英國領事館問下續期要幾耐啦﹗好彩只須 5 個工作天，而家仲唔駛自己親自去就得添。咁至放心咋。不過好貴呀﹗續期+郵寄都要成 $900 ﹗嗚…要扣利事錢喇﹗剛剛小敏豬就打黎話要交錢喇﹗咁咪叫佢可以交得囉﹗
東京同大阪既民宿都得左喇﹗Miss 本來幫我 Book Hotel，但我決定住民宿，可以慳番 $1000 用黎出電話方便同 Miss 同媽咪聯絡﹗不過今次 Trip 都幾手緊，唔敢洗咁多，我諗真係名乎其實：生活體驗算喇﹗Yen 又貴左咁多…本來諗住大阪住宿費可以慳番而家又唔得﹗唔…希望跌番啦 D Yen﹗
不過由本來唔得，到一步步做到，到而家進入倒數階段（15 日倒數），一路以來都要多謝 神﹗因為祂聽我禱告，當我有煩惱或者憂慮時就會祈禱，天父就會賜小天使0係我身邊幫助我，指引我，多謝天父﹗哈利路亞﹗更加多謝身邊既小天使啦﹗係呀﹗你呀﹗
PS 原來自己一路以為羽田機場係0係大阪，點知係真係0係東京呀﹗不過小敏豬話係到大阪關西國際機場，而自己又 Check 過班機係停0係大阪關西國際機場。唉﹗自己懶醒左添﹗^v^
我今次會帶埋日文書（日文能力試二級參考書）去旅行，順便叫 Miss 教我，（因為呢個 Miss 其實係冇教過我野既，佢開始教日文班時我剛剛冇讀，到我返黎讀時佢又走左，你地話幾好笑呢﹗）所以 Elmo 妳小心 D 喇﹗我實勁過妳呀﹗哈哈﹗
文章定位：
