這篇拖到現在才寫，一方面事情尚未穩定，二來這篇的題目諗左好耐，究竟用『惡夢連連』、『第二三四五六重難關』、『挫折』等等…最後都係用『考驗』比較好﹗
之前一直擔心既問題係東京有冇地方住，到 Confirm 有時，14 號 Miss 佢至 Send mail 話俾我知佢屋企因為有種種事唔可以收留我，我就即刻 Send 番 Mail 俾佢叫佢幫我 20 號前搵到平酒店或民宿，點知今日 15 號又收到小敏豬電話話一定要 17 號前出機票。簡直係禍不單行，呀唔係，係『天將降大任於(詩)人，必先勞其筋骨…』
不過好彩今晚收到佢 Mail 有埋佢既電話，我就二話不說即刻打電話俾佢，費事等﹗同 Miss 傾左半個鐘頭，佢一開頭話羽田機場唔係0係大阪既時候，嚇到我半死咁濟，跟住佢即刻上網搵我坐既0個班機既資料，至知羽田機場真係0係大阪，我俾佢搞到成個心都飛左出黎。佢話搵到有平酒店，仲會第一晚接我機之後陪我住一晚酒店添。仲話 2 月 6 號帶我去佢間教會呀，佢話佢間教會每個月既第一個禮拜日會叫當月生日既人起身接受大家既祝福喎，咦﹗咁咪好好玩，我仲係正日添呀﹗再之後，Joey (賣甩我既其中一個) 佢 Send 左大阪既民宿資料黎，個價錢仲平，又包埋早餐同晚餐。我頭先叫 Miss 可唔可以轉呢間，因為個價錢爭成 HKD$1000 呀﹗應該可以轉到既
而家總算塵埃落定，爭在最後一步：遞假紙。
我覺得這次『一人旅體驗』是天父俾我既一次考驗，呢個係當我最迷茫時向天父祈完禱突然間諗到既。跟住今日年終開會時，事頭婆講總結時講到，只要盡自己最大努力去做，遇挫折唔好氣餒，事情始終能夠解決得到。好似係老生常談既野，但係當0係0個一刻聽到真係好到肉。我覺得係天父派天使黎話呢個訊息俾我聽既。真係好多謝天父呀﹗而家最擔心既野都已經唔係問題喇﹗真係鬆左一口氣﹗
你地寫定個 List 俾我買野啦﹗俾埋 $$ 我先喎，要快呀﹗
文章定位：
