今日有好多野發生，首先係大病搞到返唔到工，跟住睇完醫生飲左馬尿水（嘔﹗），重有大件事發生：今日落左名訂機票喇﹗
小豬幫我問佢樓上間旅行社價錢，3 號出發，15 號返，要 $4000 + tax，而且係搭我夢寐以求既 ANA 機添﹗雖然仲想佢平 D，但係算喇﹗因為好彩佢同間旅行社熟，可以留名先，真係唔去既可以就咁取消就得﹗所以留左名先囉﹗
最衰今次係變左得我自己一個去啦﹗講真，真係好驚呀﹗話晒都係『一人旅』﹗好似參加電視台既「小朋友一個人去買野」咁﹗好驚好驚﹗唔知有咩事發生﹗但係諗諗下又唔會再有咁既機會放咁多日假，係絕對冇。因為老細話而家至 3 月都係公司淡季，4 月開始到出年就會勁多單，唔會得閒。咁唔襯而家去就唔通要等到出年 06 年至有得去﹖我一定同佢死過﹗
願天父賜平安看顧我﹗你地都幫我祈禱啦﹗多謝晒﹗
文章定位：
