呢日係我最意想不到既一日，我可以唔駛錢去環球片場玩呀﹗
今日係 Miss 既老豆（佐藤先生，勁似劉丹）同我去玩，依日本人既傳統（美德）『有大食大』既原則下，我就唔駛俾錢去玩到人地散場為止﹗
雖然早上落雨，我仲要撲出去買遮，好平，係 103 yen （HK$7.7），搞到遲到十分鐘。而且成日都要拎住把遮，不過唔緊要，毋損阿姐我既雅興。入去好有美國 Feel，對於一向西化既香港人黎講真係冇咩特別，所以最吸引我既就係入面既機動遊戲，大部份都係類似動感影院款。就係坐0係度 Fing 黎 Fing 去。第一次玩呢類遊戲時，阿劉丹全程合埋對眼，我一擰過頭見到佢咁樣我幾驚佢會心臟病發呀﹗之後玩落佢既反應就好番少少，起碼我都唔駛一路玩，一路要睇住佢咁啦﹗
之後見到 Snoopy 館，入到去剛剛有 Snoopy, Charles Brown, Lucy... 即刻拉住影相，好似仲細咁﹗雖然我個樣比實際年齡細，但係都二十代啦﹗（二十代，日文，解：由二十至二十九歲既一代）但係我唔理喇﹗何況冇人認得我﹗
跟住去睇既就係有 D 海洋公園既例牌表演，海豚 + 人類既表演，時間都好長，劉丹話要開場前 30 分鐘要排隊先﹗結果就係有 20 分鐘企住食 Winds 喇﹗不過都好好睇，因為好耐都冇去過海洋公園嘛﹗
每一次排隊玩遊戲時出面都有寫到要大概等幾耐，真係好方便，因到時間嘛﹗所以除左激流之類會濕身既冇玩到之外，其他全部去玩齊晒﹗但係我一樣野都冇買到，因為劉丹一定會爭住俾錢，而且實會貴到飛起。
最後走時劉丹仲買個便當俾我做晚飯添，所以我0個日真係唔駛點洗錢。之後我買左盒士多啤梨食，好正，好甜，同香港差得遠，最好既就係唔貴嘛。七點幾返到去間狗竇度，俾官家王阿姨捉到，夾硬扯我過去同佢一齊食飯。結果我既三文魚定食就…嗚﹗
玩左成日好鬼勊﹗因為成個行程我真係冇諗住去環球片場架﹗所以真係好開心。但係實在係太貴喇﹗我諗一個人洗費（淨計車費 + 入場券 + 飯錢 + 飲品，唔買紀念品）都要成 11,000 yen，成 HK$8xx 咁多，所以諗住聽日買份禮物俾佢當謝禮﹗今日冇咩電視睇，訓覺﹗
文章定位：
