今日冇咩特別﹗只係中午去左間食蛋包飯既專門店食雞肉蛋包飯。間野類似上次去蟹道樂既格局咁樣﹗好日式 Feel。又係去心齋橋行，因為尋日行到好鬼勊，唔想行咁遠﹗
到夜晚出去搵 Miss，因為佢話介紹佢既日本朋友俾我識喎，就係呢兩個喇﹗個男仔係韓國人黎架﹗咁橋又係姓潘喎﹗（真係又係姓潘喇﹗唔知大家記唔記得我之前0個個呢﹖）不過佢今年得廿二歲咋，唔似呵﹗佢媽咪因為改嫁左日本佬，咁佢要移民黎日本學日文。佢成晚好多野講，好鬼嘈﹗正一口水佬﹗但係餐飯好好食，因為係食意大利餐﹗臨走時餐廳仲每人送一隻狗仔鎖匙扣﹗我仲即刻扣左0係尋日新買既袋度添﹗呀係﹗尋日因為生日，所以買左呢個袋同埋個星星咕臣呀﹗算係有野俾我攬住啦﹗
走0個陣因為我真係唔認得路行去車站，咁阿潘生就送我去車站﹗沿途傾左一陣計，之後我就同佢講 Bye Bye 就入閘走人，連電話都唔俾佢﹗
返到去剛剛開始做 Smap x Smap，不過好悶，又係行左成日。其實我係睇中左一頂鴨咀帽。好靚架，係全頂都係粉紅色，仲有兩隻天鵝添架﹗但係好貴呀﹗圍港紙 $3xx 架﹗嗚…今日為止已經係第二次走去睇﹗試戴左一陣都係唔捨得買﹗唉…
文章定位：
