今晚成晚落雨，冇晒 Mood，好彩今晚唔駛去街，尋晚又好彩冇落雨，多謝天父﹗
一年一度，等咗好耐既【加人工】，喺今日食飯前終於知道喇，今次冇逐個逐個叫入房盤問，就咁叫堅叔好似平時出糧咁，好平平無奇地加咗~~~~~三百蚊......(無言) - -!!!
呢幾日都有 D 動搖，因為知道呢度 5 月開始已經有張大單，亦都知道有個大客今年會再落 6x,xxx 隻錶既單。竟然，問咗大部份人，都係同我一樣，三~~百~~蚊~~﹗我以為成日遲到至會俾佢扣啫，點知連最早返去開門嗰個都係咁，三~~百~~蚊~~﹗攞去填 MPF 條數都仲要蝕，唉，辛苦一年，受咗一年氣，只係得三~~百~~蚊~~﹗趕盡殺絕﹗佢自己就成日買紅酒，買四驅車，已經唔請我哋食飯喇，開初仲諗住佢會加 $1500 嘛，因為舊年有段時間我一個人做兩個 Post，佢話會記錄在案，點知到頭來，只係換來(一齊講)三~~百~~蚊~~﹗﹗﹗
我唔恨呀﹗三百蚊你留番佢等冇貨交客時用嚟賠俾客啦﹗賤人﹗
文章定位：
