唔做喇﹗
講就講咗好多次，但係真係唔想再繼續喺呢間做喇﹗抖唔到氣，好辛苦呀~~﹗5 月出完糧就遞信喇﹗聽日開始睇報紙，今日都特登唔返工，瞓多一陣，又順便出去換智能卡，真係冇人排隊架﹗我唔駛半個鐘就搞掂喎，跟住就開定個外幣戶口，以後轉 $$ 方便 D，再睇埋靚仔醫生，返屋企再瞓，因為以前阿姐間公司(喺葵興)早兩日搵 Part Time 幫手拆錶，我都有去幫佢手，咁今日瞓到咁上下就落街過去喇﹗做到成 8:30 至返番屋企食飯﹗返排都唔係好想寫日記喇﹗冇咩心機寫之餘，可能又發現冇咩人睇啦，不過可能唔做呢份之後就會想繼續寫啩﹗
紅色 Super Lovers 公仔仍然喺我手，我仲未同佢主人講番嘢﹗有朋友仔試過搵佢，但俾佢既氣焰所嚇倒。妳要嬲既話就嬲我好喇喎﹗一竹篙唔好打死一船人呀﹗
文章定位：
