尋晚本來同 Wing 食飯，後來佢話食飯同唱 K 差唔多價錢，不如去唱 K 啦﹗咁都好，佢又可以就我去 Do Re Mi 唱日文歌。Elmo（到妳去場喇，Ruby）都話可以去得，咁咪一齊去囉﹗
不過嗰日有個 Writress 既態度奇差，乞人憎，幾想投訴佢呀，最衰我又見唔到佢個阿頭啦﹗真係唱足 3 個鐘就 Cut 歌，我諗都係平日至好去唱喇﹗雖然唱得好少時間，可能我又揀啲好高音既歌嚟唱，搞到唱咗個半鐘就已經失聲，後來首首歌都飄音，最後索性唔唱喇﹗留番俾佢哋，點知冇幾耐就要埋單，Shit~~~﹗
後來出去行咗陣街先，入咗 Ice Fire 度睇帽，試咗一陣之後，有頂粉紅色既 Cap 帽我好鍾意呀﹗因為嗰頂好似我去大阪睇中嗰頂，差唔多決定要買時，突然間醒起唔記得咗一樣好緊要既事：頂帽幾多錢架﹖﹖–﹏–" 哈—﹗俾佢哋笑我添﹗鬼咩，咁佢冇貼嘛，之後再搵到頂有貼價錢既睇下，$3xx﹗﹗ ．o．# 唔係呀化﹖好彩我之前都見到有頂 $120 既黑色帽都幾好啫，咁於是，我決定買頂平平地好過，遲啲妳哋會見我戴喇﹗嘻嘻﹗
今日去詩班練歌都唔敢唱咁大聲，因為雖然好多人一齊唱唔多覺，但係如果一個走音會好明顯聽到。Break 時，我周圍望下睇下見唔見到細佬啦﹗點知~~~真係喺度，好嘢﹗不過喺唔喺度都冇咩所謂啦，因為我哋都係分聲部坐既。我都有話俾嘉敏知邊個係細佬，我哋冇過去搵佢，只係隔住個電話交換近況，知道佢有機會轉長工，唔駛再繼續做 Part Time，咁咪好囉。我都話俾佢知我會搬，佢都鄧我開心，寒暄咗幾句之後就繼續練歌。今日好勊，所以練完都返屋企瞓覺冇去行街，頂唔順，今朝牧師開始講道我隻眼已經合埋咗，跟住不停係咁“鐘”，唔知做咩咁﹗唉﹗嘩﹗咁夜喇﹗我瞓喇﹗各位早抖﹗
文章定位：
