今年除咗考日文能力試之外，我會考埋普通話水平試﹗
點解有咁既決定呢﹖其實我想搵 Part Time，一嚟幫補幫補（屋企同去日本既學費，雖然唔會好多）；二嚟而家學定點教人，到將來真係過到日本，我諗住 Part Time 都係會教日本人講廣東話或者普通話。而家又有機會可以俾我試吓。因為我而家讀緊既日文學校成日都想請人教日本人講普通話。我見又可以練日文又可以練普通話又可以練教書技巧。一舉三得﹗試下無妨啦係咪﹗不過唔好教壞人就得喇﹗嘻嘻﹗
5 月 25 號至可以 Send form 申請考水平試，6 月抽籤可唔可以考 + 新屋裝修設計，7 月考試 + 搬屋，8 月知成績 + 大型詩班表演。9 月報日文試，10、11 月閉關做 Past paper，12 月去狗…九展考試。嘩~﹗今年駛唔駛咁充實呀﹗
PS. 今次新 PV Ageha （中文譯做燕尾蝶）（呢張只係近期某雜誌社相而已），慶太個樣嚇死我﹗好似去咗我老豆後生時代咁：一個長毛死飛仔 Look + 花 T-shirt。救命﹗而龍一剪短咗頭髮，又變番以前個樣： CP 樣。又救命﹗最正常都係涼平。唉﹗突然間佢哋改變咗咁多，而自己好似冇咩野大改變（我講外表）。真係無奈又無奈﹗
文章定位：
