28 號，成班同事走咗去唱 K，由 7 點玩到 2 點。因為做得最耐既同事 Last day，所以成班人加埋已經走咗但係又會成日約食 Lunch 既兩個舊同事，一共 8 個人，又唱又笑癲咗 7 個鐘﹗返到去已經兩點幾。勊到死咁濟﹗不過好彩方便，因為我已經事先聲明要請半日假用嚟瞓覺，慳番唔駛第二朝打電話請假。哈哈﹗
今朝，阿媽睇唔到我寫俾佢既 Memo，一朝早嘈醒我，俾佢激死﹗-_- 跟住再瞓到 12 點至食嘢，真係好歎﹗返到去，都唔係好多嘢做，俾老頂潤完我係咪因為拍拖唔知醒之後，剛剛 6 點做完又走得﹗去旺角行街見到正版 Hello Kitty 白板 $59，正﹗可以用嚟留言喇﹗eg. 我唔返嚟食﹗哈哈﹗
講番正題，三月我會唔係好得閒，逢星期二會讀一級日文，喺度要多謝 Bi Bi 幫我哋既將來舖路。我意思係因為 Bi Bi 搵到呢間日文學校有得讀一級能力試 Course，價錢又平啫。而星期四又會同同事去油麻地學跳舞。佢一路學緊既，我之前都好似提過，不過今次真係會學喇﹗兩個禮拜後就會教新歌，到時先加入囉。到時星期二、四都唔會有時間喇﹗而且就嚟倒數完畢喇﹗真係好驚又好緊張呀~﹗
好眼瞓喇﹗下次再講啦﹗ZZzzz......
文章定位：
