第一日既飛機餐真係好好食呀﹗係魚定食呀﹗果然係 ANA，嘻嘻﹗^.^ 去到好快見到 Miss，跟住向民宿進發﹗
去到民宿 9 點幾，一入屋就係呢間喇﹗一個人住都 OK，但兩個人住就…連行李都開唔到，張床舖又薄，仲有係間民宿係一座大廈裡面既一層樓，五個室，而一個室竟然再分四個單位﹗而我住既就係最細最近門口既。再講個沖涼房真係講你地都唔信，係玻璃門0黎既，雖然係有一度窗簾，但竟然係門出面﹗即係話人地如果係有心既，一拉開度窗簾就會咩野都睇到晒﹗@~@ 咁既設計都有既﹗
民宿既王阿姨（管家）係咁留我同 Miss 食飯，我地見咁夜都費事出去再搵野食咪應承佢，睇下 D 餸菜…四餸一湯，HK$50 有找﹗好鬼 Cheap ﹗食飯時有另一對來自台灣既夫婦，個老公仲0係日本做過一年野添﹗但係 Miss 因為唔識講國語，所以個男人有用日文同 Miss 傾計，再用國語同我傾，但係 Miss 返房後同我講番佢既日文真係好唔掂，淨係講 D 好簡單既日文，枉佢仲0係日本做過一年野添﹗嘻嘻﹗
第一晚訓得好唔舒服，雖然有暖氣，但係張床舖太薄，又仲未好番，係咁咳下又訓下又咳下，好似等天光咁，好辛苦呀 ~ ﹗
文章定位：
