上星期知道阿 Bi 喺葵芳返工，咁問下佢點樣，順便可以去葵芳行一陣。點知自己行去葵芳，等到 7:10 左右至收到佢電話講可以走得，仲要嚷住要而家去唱 K，要即刻落去尖咀 Secret Base 添。唉﹗妳唔早講，早知我搵定位等妳啦﹗於是等埋佢之後，一齊衝去喇﹗
呢間嘢既收費真係有問題：如果包埋 Dinner 要 $82.5，9 點前要走；如果唔包 Dinner ，有 2 杯嘢就 $99，可以唱到 05:00。你哋話係咪奇怪﹖只係差 $1X，就可以唱到咁耐。所以我哋梗係出去食完嘢至返嚟啦，不過基於第二日要返工既情形之下，我哋都係唱到 11:15 就走喇﹗雖然今次去冇新歌，但係兩個傻婆喺度又唱又笑，咁就玩咗一晚喇﹗成個散晒﹗
之後上星期五睇完“Touch﹗”有 D 失望添﹗不過我怕有 D 人未睇，都係唔喺度講喇﹗
近排冇咩特別事發生，所以冇咩發表，嘻嘻﹗乘機偷懶，唔駛寫日記﹗（應該係諗唔到有咩嘢好寫）
哎呀~﹗仲有大概 30 日咋﹗點算呀﹗好緊張呀~~﹗
文章定位：
