終於拎咗新電話喇，不過唔可以日文輸入，但係如果將日文名 File 入落去又可以睇到日文噃，所以你哋 Send 中文 Message 我都可以睇到。但係唔知有咩問題，我唔可以 Send Message 出去，我諗我要再慢慢研究一下部機至得喇﹗
今日收到一好一壞既消息，好消息係 bi bi 終於有人請喇﹗雖然係 temp 啫，但係唔緊要啦﹗起碼有收入嘛，而且喺葵芳添，近我呀﹗可以放工一齊去葵芳行街街；壞消息係而家至知道原來舊同事鬼仔佢同佢女友散咗，仲要係好耐既事添﹗佢個女友之前入過嚟做既，但係係一個超級死蠢，唔知我之前有冇提過佢呢﹖頭先同佢 MSN 問佢點解咁早 On-Line﹖唔駛拍拖咩﹖佢至話俾我知…哦﹗
唔好講佢喇﹗總之，今年情人節好平靜咁就過咗喇﹗舊年仲喺日本過，又話希望今年搵到，唔知得個桔﹗唉﹗男朋友呀﹗出年呀﹗一定得…﹗
文章定位：
