我今日終於…終於…鼓起左最大既勇氣，（唔好唱“留給最愛的說話”呀，我未死呀﹗）0係朝頭早打電話俾佢，幫佢買早餐，嘩~~~（逃）。
（回來）其實點解我會突然間由 56k 變做 T1 呢﹖因為呢：
尋日 CP 仔下晝四點左右突然嗌肚餓，要食麥當勞，咁我地咪寫低自己想食咩野，再叫個送貨同事送完貨打電話番黎再叫佢買埋俾我地囉。點知佢打電話番黎時，Annie（負責寫野食）就講緊電話，而個電話係我接既，咁我咪講俾個同事聽食咩野囉，點知我就講漏左 CP 仔杯麥旋風，搞到佢淨係食魚柳飽。跟住我見佢嘈喧巴閉話『俾番杯麥旋風我…』咁咪0係今日 8:45 am 打電話俾佢諗住幫佢買早餐囉。
『…喂﹖』
『喂喂﹗…你買左早餐未呀﹖』
『未呀﹗』
『唔…我諗 5 分鐘之後我就會0係灣仔喇，你想食咩早餐呀﹖我幫你買埋啦﹗』
『…』
『喂喂﹖』
『諗緊…都係唔食喇，唔駛買喇，唔該』
『唔，咁好啦，冇野喇，Bye Bye﹗』
『Bye﹗』
咁佢唔食咪算囉，可能佢冇胃口呢，跟住佢 9:05 am 至返到黎，我當其時係背住佢，所以我睇唔到佢攞住 D 咩野。跟住佢再0係佢個位走出黎攞紙再入番去時望住我同我講：『我諗諗下都係想食野喎﹗』超~﹗咁即係分明落我面啦﹗>n< 我當時只係擺出一副無限包容，俾佢一個從內心發出既微笑。（好戲哩﹖我話晒都做過演員架喎﹗）之後我約小敏豬食飯，費事對住佢。小敏豬聽到我呢個「歷險」過程，竟然話：『哎呀﹗我叫妳叫佢幫妳買早餐呀~』咁我早過佢返嘛，唔通叫我咁早0係條街蕩咩。
之後食完飯，突然間做左一樣野，就係：買砵仔糕。因為有一間齋舖有得賣，咁橋就0係附近，所以我就買左兩個（一啡一白），諗住佢一叫肚餓就塞入佢個口度。點知佢又唔肚餓喎，仲七點鐘約人食飯添，咁所以…0個兩個砵砵留番聽日做早餐喇。
哇~~~~~~衰左喇﹗衰左喇﹗衰左喇﹗衰左喇﹗衰左喇﹗衰左喇﹗衰左喇﹗衰左喇﹗衰左喇﹗衰左喇﹗衰左喇﹗衰左喇﹗衰左喇﹗衰左喇﹗衰左喇﹗唔約喇﹗瘀死喇﹗咿~~唔制呀﹗（從悲傷轉為憤怒）係邊個叫我搵佢買早餐既﹗出黎自首﹗﹗﹗
呀﹗順帶 一提我應該會 9 月尾搬公司，本來想請 30 號同我媽媽返大陸旅行都唔批得，激死我喇。不過當我知道 CP 仔都唔批既時候，我個心涼左一陣，嘻嘻﹗所以月尾我會好唔得閒，我會隱居一排喇，希望仲可以寫到日記啦，早抖喇﹗
死人頭 CP 仔﹗
文章定位：
