唔通…佢以為…我…同小敏豬拍拖﹖﹖﹖
各位有睇留言版都知道我同小敏豬有幾近啦﹗而家我地好多時都一齊食飯架。點解我會咁諗呢，係因為平時食飯我都係同 Ann 姐呀，CP 仔呀成班一齊食既。但係小敏豬第一次打電話約我出黎食飯之後，俾師奶仔聽到，佢就話：『咦﹗妳有人約呀﹖』我咪順水推舟講：『係呀﹗我終於有人約喇﹗』當其時我唔知 CP 仔有冇聽到（可能師奶仔之後將佢發揚光大）。而家佢對我就好似老豆教女咁嚴肅，但對住師奶仔，甚至對住 Annie 佢都係嘻嘻哈哈，咁算點呀﹗變態佬﹗
危機愈來愈迫近喇。Wet 妹 Annie 開始玩暗示俾 Office 既人知道佢對 CP 仔有意思喇。小藍，我開始明白妳所講既不安感喇，但係我未同 CP 仔一齊架，而且我又唔知佢兩個究竟諗緊咩野，搞到我更加不安呀。嗚~~~我可以點做呀﹖
文章定位：
