好唔想繼續做呀﹗每日返到去都爆唔開心，老頂好似繼之前我阿姐之後，當咗我係頭號大敵咁，係咁俾佢啄住晒。又當我係人肉發聲電腦，問親咩嘢都要即刻覆，都唔俾時間人哋搵資料﹗答慢 D 都會俾佢鬧，痴孖筋﹗細既又唔生性，竟然俾佢過試用期，但係而家仲係一舊飯咁，真係好想一腳伸佢埋牆﹗
呢個 12 月好難捱呀﹗而家又唔可以遞信住，又怕冇雙糧，總之好似兩頭唔到岸咁啦﹗我已經放棄出年 1 月尾出既 Bonus 喇，唉﹗點算呀﹖神呀﹗救救我吧﹗一把年齡了﹗~~~
而家咩嘢心情都冇晒喇﹗邊度都冇 Mood 去喇﹗做咗『御宅族』添﹗（有睇過 『電車男』就知道，『御宅族』係指成日困住自己喺屋企既人）好彩聖誕節有幾日假期隔一隔，大概做多二十日之後，即係應該 1 月 6 日就辭職，咁我做埋 2 月 6 號生日嗰日就重獲自由喇﹗（之前諗住 5 號辭，2 月 5 號咁因為係星期日可以少返一日嘛。但係因為會冇錢所以延遲一日會著數 D ）
明天又是難捱既一日開始喇﹗唉﹗成個人即刻變老咗﹗
文章定位：
